2023 جىلعى 27 شىلدەدە ۇلتتىق قاۋىپسىزدىك كوميتەتىنىڭ اقمولا وبلىسى بويىنشا دەپارتامەنتى پروكۋراتۋرانىڭ ۇيلەستىرۋىمەن ۇلتتىق ۇلاندى جۇمىلدىرا وتىرىپ جۇرگىزگەن جەدەل-تەرگەۋلىك ءىس-شارالار ناتيجەسىندە «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس ۇيىمىنىڭ جەرگىلىكتى بولىمشەسى باستىقتارىنىڭ ءبىرىن ۇستادى, دەپ حابارلايدى Egemen.kz.
ول قازاقستاننىڭ اسا ماڭىزدى اقپاراتتىق ينفراقۇرىلىمىنا جاتاتىن دەرەكتەر بازاسىنداعى جەر ۋچاسكەلەرىنە قاتىستى مالىمەتتەردى وزىمشىلدىك نيەتپەن زاڭسىز وزگەرتتى دەگەن كۇدىككە ءىلىندى.
قازاقستان رەسپۋبليكاسى قىلمىستىق كودەكسىنىڭ 206-بابىنىڭ 3-بولىگىمەن (اقپاراتتى قۇقىققا سىيىمسىز جويۋ نەمەسە تۇرلەندىرۋ) قاراستىرىلعان قىلمىستىق زاڭ بۇزۋشىلىق بەلگىلەرى بويىنشا تەرگەپ-تەكسەرۋ جۇرگىزىلۋدە.
كوكشەتاۋ قالاسىنىڭ سوتى كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسىن سانكتسيالادى.
وزگە اقپارات قىلمىستىق-پروتسەسستىك كودەكستىڭ 201-بابىنا سايكەس جاريا ەتۋگە جاتپايدى.