رەسەي فەدەراتسياسىندا كوروناۆيرۋس جۇقتىرعان ناۋقاستاردىڭ سانى ارتتى. ءبىر كۇندە 11 مىڭنان استام ادامنىڭ پتر سىناماسى وڭ ناتيجە كورسەتكەن, دەپ حابارلايدى Egemen.kz.
Qazaqstan ۇلتتىق ارناسىنىڭ حابارلاۋىنشا, تۇتىنۋشىلار قۇقىعىن قورعاۋ فەدەرالدىق قىزمەتى كۇزدە ناۋقاستار كوبەيۋى مۇمكىن دەگەن بولجام جاساپ وتىر.
ايتا كەتسەك, سوڭعى 3 جىلدا رەسەي حالقىنىڭ تەڭ جارتىسى COVID-19 ىندەتىمەن اۋىرعان. كورشى ەلدە ىندەتكە قارسى 10-نان استام ۆاكتسينا شىعارىلاتىنى كوپشىلىككە بەلگىلى.
«بىزدە ىندەت كۇشەيىپ, قايتا پاندەميا بولادى دەگەن مالىمەت جوق. بىراق ناۋقاستار سانى ارتۋى مۇمكىن. سەبەبى كوروناۆيرۋس جۇقتىرۋ دەرەكتەرى ءالى دە بار. ەگەر جاعداي وزگەرىپ جاتسا رەۆاكتسينالاۋدى قاراستىراتىن بولامىز», دەدى دارىگەر-ەپيدەميولوگ گەننادي ونيششەنكو.