ەكولوگيا جانە تابيعي رەسۋرستار مينيسترلىگى قازاقستان بويىنشا ءۇي جانۋارلارىن ەسەپكە الۋ ەرەجەلەرى 1 قىركۇيەكتەن باستاپ كۇشىنە ەنەتىندىگى تۋرالى حابارلادى, دەپ جازادى Egemen.kz.
ەرەجە يتتەر مەن مىسىقتاردى مىندەتتى تۇردە ەسەپكە الۋدى كوزدەگەن. ءۇي جانۋارلارىن ەسەپكە الۋدى جەرگىلىكتى اتقارۋشى ورگاندار قۇرعان مەملەكەتتىك ۆەتەريناريالىق ۇيىمدار, ۆەتەريناريا سالاسىندا ەمدەۋ-پروفيلاكتيكالىق كاسىپكەرلىك قىزمەتپەن اينالىساتىن جەكە نەمەسە مەملەكەتتىك ەمەس زاڭدى تۇلعالار جۇزەگە اسىرادى.
ءۇي جانۋارلارىن ەسەپكە الۋ جونىندەگى اقپاراتتىق جۇيەنى جەرگىلىكتى اتقارۋشى ورگان ءوزى ايقىنداعاندىقتان ازاماتتار سۇراقتار بويىنشا جەرگىلىكتى اكىمدىككە جۇگىنە الادى.
ەسەپكە الۋ نورمالارىن بۇزعان جاعدايدا «اكىمشىلىك قۇقىق بۇزۋشىلىق تۋرالى» كودەكستىڭ 407-2-بابىندا ءتيىستى ايىپپۇل سالۋ ءىسى كوزدەلگەن.