گرۋزيانىڭ باتۋمي قالاسىندا Golden Fleece حالىقارالىق ونەر فەستيۆالى ءوتتى. شىعارماشىلىق دودادا گرۋزيا جانە ۋكراينا ەلىنىڭ جاس ونەرپازدارىمەن بىرگە باق سىناعان اتىراۋلىق وقۋشىلار ءبىرىنشى جۇلدەنى يەلەندى.
ماسەلەن, ء«داستۇرلى ءان» اتالىمىندا «ناركەسكەن» دومبىراشىلار ءانسامبلى ءبىرىنشى جۇلدەگە يە بولدى. ال باقداۋلەت بيسەنباي, احمەت بايتۇرسىن, اقبوتا جانە بايان بايبولات سەكىلدى دومبىراشىلار ۇزدىك دەپ تانىلدى.
ء«بىز گرۋزيادان كەيىن Zhuldyz art Kazakhstan حالىقارا- لىق بايقاۋىنا قاتىستىق. بۇل بايقاۋدا دا ءساتتى ونەر كورسەتتىك, – دەيدى ونەرلى بالالاردى دايىنداعان ۇستازى التىن جۇماتينا. – مەكتەبىمىزدىڭ وقۋشىلارى «ۆوكال», «حالىق ءانى», «دومبىرا» اتالىمىندا جۇلدەلى ورىنداردى يەلەندى. ەسترادالىق ءان ورىنداۋدا باس جۇلدەنى نازەركە ماناربەك, ايزەرە عازيزوۆا, ماناس ماقسات, نۇرمۇحامەد دوسقالي جەڭىپ الدى. جاس ءانشى ارىستان نىعمەتوللا مەن «اقسۇڭقار» حالىق ءانسامبلى بەدەلدى حالىقارالىق بايقاۋدىڭ جەڭىمپازى اتاندى. سونداي-اق قازىلار القاسى ايارۋ تۇرسىنعالي مەن ءامينا ۆلاديمير قۇرعان «التىن-الما» بي دۋەتىنىڭ ونەرىنە ءبىرىنشى جۇلدەنى بەردى.