2026 جىلى وتەتىن ءپاريجدىڭ لۋۆر مۋزەيىندەگى قازاق ونەرىنىڭ كورمەسى اياسىندا كەلۋشىلەردىڭ نازارىنا «التىن ادام» تاريحي جادىگەرى ۇسىنىلادى, دەپ حابارلايدى Egemen.kz.
عاجايىپ جادىگەردى حالىقارالىق دەڭگەيدە ۇلتتىق برەندكە اينالدىرۋ ماقساتىندا بۇعان دەيىن «التىن ادامنىڭ الەم مۋزەيلەرىنە شەرۋى» حالىقارالىق جوباسى الەمنىڭ 12 مەملەكەتىندە جۇزەگە اسىرىلعان.
ۇلتتىق مۋزەيدىڭ حابارلاماسىندا: «2026 جىلى فرانتسياداعى لۋۆر مۋزەيىندە قازاقستاننىڭ ۇلتتىق كورمەسىن ۇيىمداستىرۋ اياسىندا «التىن ادام» مەن مۋزەيدەگى تاريحي قۇندىلىعى بار زاتتار جادىگەرلەردى ىرىكتەۋ كوميسسياسىنا ۇسىنىلادى», دەلىنگەن.