قاراعاندى وبلىسىندا 12 ميلليون تەڭگەگە جۋىق مۇناي ءونىمىن قولدى قىلعان اۋىل تۇرعىندارى ۇستالدى, دەپ حابارلايدى Egemen.kz.
تەمىرتاۋ قالالىق پوليتسيا باسقارماسىنا قاراستى شىعىس پوليتسيا بولىمىنە مۇناي ونىمدەرىن كوتەرمە جەتكىزۋمەن اينالىساتىن جاۋاپكەرشىلىگى شەكتەۋلى سەرىكتەستىكتىڭ باسشىلىعى ارىزداندى.
بەلگىلى بولعانداي, اتالعان سەرىكتەستىك جانار-جاعارماي ساتۋ ستانتسياسىمەن مۇناي ونىمدەرىن ساتىپ الۋ كەلىسىم-شارتىنا قول قويعان.
بۋحگالتەرلىك ەسەپ-قيساپ جۇرگىزۋ بارىسىندا 11 ميلليون 893 مىڭ تەڭگە اقشا جەتىسپەۋشىلىگى انىقتالعان. كريمينالدىق پوليتسيا قىزمەتكەرلەرىمەن جۇرگىزىلگەن كەشەندى جەدەل-ىزدەستىرۋ ءىس-شارالارى بارىسىندا وسى ىسكە قاتىسى بار دەگەن كۇدىكپەن 23 پەن 40 جاس ارالىعىنداعى ەكى اۋىل تۇرعىنى ۇستالدى.
اتالعان دەرەك بويىنشا قازاقستان رەسپۋبليكاسى قك-ءنىڭ 188-بابىنا سايكەس قىلمىستىق ءىس قوزعالدى. تەرگەۋ امالدارى جۇرگىزىلىپ جاتىر.