پەتروپاۆل قالاسىنىڭ كىرەبەرىسىندەگى جامبىل كوشەسىندە كوپقاباتتى ءۇيدىڭ سىرتقى قابىرعاسىنا جىر الىبى جامبىلدىڭ بيىكتىگى 20 مەترلىك پورترەتى سالىندى, دەپ حابارلايدى Egemen.kz.
اۆتورى - قر سۋرەتشىلەر وداعىنىڭ مۇشەسى بولات اسەربەكوۆ.
«بۇل باستامانى قالا بيلىگى العا تارتىپ, ءبىز قۇپتاپ, ءبىر جىل ىشىندە اياقتادىق. تۋىندى باستان-اياق كەراميكالىق تاقتايشادان قالانعاندىقتان كۇن ساۋلەسىنە دە, جاڭبىرعا دا ءتوزىمدى, سوندىقتان ۇزاق جىلدار ساقتالادى. وسى قالانىڭ اباي كوشەسىندە سالىنعان اباي بەينەسىن دە ءدال وسىنداي ماتەريالدان قالاعان ەدىم», دەدى بولات اسەربەكوۆ.
قالا تۇرعىندارى تۋىندىعا ءدان ريزا.