تۇندە «102» پۋلتىنە حابارلاما كەلىپ ءتۇستى. بوستاندىق اۋدانىنىڭ قوبالجىعان تۇرعىنى كۇيەۋىنىڭ ماس كۇيىندە ءوز-وزىنە قول جۇمساماق بولعانىن ايتتى, دەپ حابارلايدى Egemen.kz.
كومەككە ءبىرىنشى بولىپ «بۋران-143» پاترۋلدىك ەكيپاجى باردى. ەر ادام ءۇي سىرتىنداعى كونديتسيونەر كومپرەسسورىنا وتىرىپ الىپ, تومەنگە سەكىرەمىن دەپ قورقىتقان.
سونىمەن قاتار قولىندا پىشاق تا بولعان.
«ونىڭ قولىندا ۇلكەن اس ءۇي پىشاعى بولدى. پىشاقتى تاماق تۇسىنا تاقاپ العان. پوليتسيا قىزمەتكەرلەرى جارادى, قورىقپادى. كۇيەۋىم ولاردى دا پىشاقپەن جارالاۋى مۇمكىن ەدى. پوليتسيا قىزمەتكەرلەرىنە العىسىم شەكسىز», دەدى قالا تۇرعىنى.
ايەلدىڭ ايتۋىنشا, كۇيەۋى ماس كۇيىندە اشۋعا بۋلىعىپ, جانجال شىعارعان. سودان كەيىن ول ءوز-وزىنە قول جۇمساماق بولدى.
بوستاندىق اۋداندىق پوليتسيا باسقارماسىنىڭ قىزمەتكەرلەرى ءوز-وزىنە قول جۇمساۋ ارەكەتىنىڭ ءمان-جايىن انىقتاپ جاتىر.