سينوپتيكتەر 19 شىلدەدە الماتى, وسكەمەن جانە ريددەر قالالارىنىڭ اۋاسىندا زياندى زاتتاردىڭ جوعارى دەڭگەيى بولادى دەپ بولجاپ وتىر, دەپ حابارلايدى Egemen.kz.
«قازگيدرومەت» ماماندارىنىڭ بولجامى بويىنشا, سارسەنبى, 19 شىلدەدە الماتى, وسكەمەن جانە ريددەر قالالارىندا اۋاداعى زياندى قوسپالار جوعارىلاپ, قولايسىز مەتەورولوگيالىق جاعدايلار (قمۋ) ساقتالادى.
قولايسىز اۋا رايى جاعدايلارى – اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ جينالۋىنا ىقپال ەتەتىن قىسقا مەرزىمدى مەتەورولوگيالىق فاكتورلاردىڭ (جەڭىل جەل, تۇمان, ينۆەرسيا) جيىنتىعى. قمۋ جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى مۇمكىن.
لاستانۋ دەڭگەيىنىڭ قالىپتاسۋىن انىقتايتىن ماڭىزدى فاكتورلاردىڭ ءبىرى سينوپتيكالىق جاعدايدى بولجاۋ (جەل, جاۋىن-شاشىن, ىلعالدىلىق, اۋا تەمپەراتۋراسى).
قولايسىز اۋا-رايىندا ۇسىنىلادى:
اشىق اۋادا, اسىرەسە تاس جولداردىڭ نەمەسە باسقا لاستاۋشى كوزدەردىڭ جانىندا وتكىزۋ ۋاقىتىن قىسقارتۋ; بالالار مەن جۇكتى ايەلدەر ۇزاق سەرۋەندەۋدەن اۋلاق بولۋ كەرەك; سوزىلمالى وكپە اۋرۋلارى, جۇرەك-قان تامىرلارى, اللەرگيالىق اۋرۋلارمەن اۋىراتىن ادامدار كوشەدە بولعان كەزدە ولارمەن بىرگە ءدارى-دارمەكتەردى الىپ ءجۇرۋ كەرەك; اشىق اۋادا فيزيكالىق بەلسەندىلىكتى شەكتەڭىز. دەنە شىنىقتىرۋ مەن سپورت جابىق سپورت كەشەندەرىندە جۇرگىزىلۋى كەرەك.ءبىر كۇن بۇرىن الماتى تۇرعىندارى مەن قوناقتارىنا الداعى سارسەنبى, 19 شىلدە كۇنى قاتتى اپتاپ ىستىق بولاتىنى ەسكەرتىلدى. تەرمومەتر 42 گرادۋسقا دەيىن كوتەرىلەدى.