جەتىسۋ وبلىستىق قوعامدىق دامۋ باسقارماسىنىڭ ەتنوسارالىق قاتىناستاردى دامىتۋ ءبولىمىنىڭ مامانى بەلگىسىز سەبەپتەرمەن وزىنە قول جۇمسادى, دەپ حابارلايدى Egemen.kz Zakon.kz سايتىنا سىلتەمە جاساپ.
قوعامدىق دامۋ باسقارماسى باسشىسىنىڭ ورىنباسارى ەلدار ساپاروۆتىڭ ايتۋىنشا, مارقۇم ابىلقايىر ورالوۆ قازاقستان حالقى اسسامبلەياسى حاتشىلىعىنىڭ ەتنوسارالىق قاتىناستاردى دامىتۋ ءبولىمىنىڭ باس مامانى بولىپ جۇمىس ىستەگەن.
ەكس-شەنەۋنىكتىڭ وزىنە قول جۇمساۋىنا نە سەبەپ بولعانى بەلگىسىز. جەتىسۋ وبلىسىنىڭ پوليتسيا دەپارتامەنتى تۇسىنىكتەمە بەرۋدەن باس تارتتى.
ابىلقايىر ورالوۆ 55 جاستا ەدى. ۇيلەنگەن, ءتورت بالا تاربيەلەپ وسىرگەن. ارىپتەستەرىنىڭ ايتۋىنشا, جۇمىستا وعان قاتىستى ەشقانداي داۋ-داماي, كەلىسپەۋ بولماعان.