ءماجىلىس دەپۋتاتتارى ەربولات ساتىبالدين مەن امانجول ءالتاي ۇلىتاۋ وبلىسىنىڭ جەزقازعان قالاسىنا قاراستى كەڭگىر كەنتىندە ورنالاسقان قۇس فابريكاسىنىڭ قۇرىلىس جۇمىسىمەن تانىستى, دەپ حابارلايدى Egemen.kz.
«احتياموۆ» شارۋا قوجالىعى - «AMANAT» پارتياسىنىڭ سايلاۋالدى باعدارلاماسىن ورىنداۋدىڭ جول كارتاسىنداعى نىسانداردىڭ ءبىرى.
سوندىقتان ونىڭ ساپالى ءارى ءوز ۋاقىتىندا اياقتالۋىن پارتيا ءوز باقىلاۋىندا ۇستاپ وتىر. فابريكا قۇس ەتى, جۇمىرتقا جانە قۇراما جەم وندىرۋمەن اينالىسادى. سونىمەن قاتار ساتباەۆ قالاسىندا سويۋ تسەحى بار.
«بولاشاقتا بۇل ءوندىرىس وشاعى 30 ادامدى جۇمىسپەن قامتيدى دەپ جوسپارلانۋدا. فابريكانىڭ قۋاتتىلىعى جىلىنا 1000 توننا ەت ءونىمىن جانە 25 ملن جۇمىرتقا شىعارادى», دەدى شارۋاشىلىق يەسى رينات احتياموۆ.
قۇس فابريكاسى نەمىس تەحنولوگياسىمەن جۇمىس ىستەيدى. بۇل جۇمىس پروتسەسسىن تولىق اۆتوماتتاندىرۋعا مۇمكىندىك بەردى. سوعان وراي, بالاپاندار 42 كۇن باپتالىپ, كەيىن ءوسىپ, جەتىلگەننەن كەيىن سويۋعا جىبەرىلەدى. فابريكانىڭ قۇس ەتىن وندەيتىن تسەحى شامامەن تامىز ايىندا ىسكە قوسىلادى دەپ جوسپارلانىپ وتىر. ال جۇمىرتقا شىعاراتىن بولىگى كۇز ايلارىندا ءوز جۇمىسىن باستايدى.
وڭىرگە ارنايى بارعان ءماجىلىس دەپۋتاتتارى فابريكانىڭ جۇمىسىمەن تولىق تانىسىپ شىقتى.
وبلىستا قۇس ونىمدەرىن تۇتىنۋى 3500 توننا بولسا, بۇل فابريكا سونىڭ 30 پايىزىن وتەيدى. بۇل جەرگىلىكتى ءونىم ءوندىرىپ, نارىققا شىعارۋ ءۇشىن ۇلكەن مۇمكىندىك بەرەدى.
ء«بىز پارتيانىڭ سايلاۋالدى باعدارلاماسى اياسىندا قولعا الىنعان قۇرىلىس نىساندارىن وسىلاي ارالاپ, ولاردىڭ ۋاقىتىلى پايدالانۋعا بەرۋىلۋىن باقىلايمىز», دەدى ەربولات ساتىبالدين.
ءوز كەزەگىندە امانجول ءالتاي تاۋىق ەتىنىڭ يمپورتىن ازايتىپ, ىشكى نارىقتا وتاندىق ءونىمدى كوبەيتۋ كەرەكتىگىنە نازار اۋداردى.
«سوندا تۇتىنۋشى ساپالى ونىممەن قامتىلىپ, ءوندىرۋشىنىڭ دە ءىسى العا باسادى», دەدى دەپۋتات.