وقۋ-اعارتۋ مينيسترلىگى «ۇزدىك پەداگوگ» بايقاۋىنا قاتىسۋعا ءوتىنىم قابىلداۋ باستالعانىن حابارلادى. بايقاۋعا قاتىسۋى ءۇشىن «ۇزدىك ۇستاز» سايتىندا تىركەلۋ قاجەت, دەپ حابارلايدى Egemen.kz.
«ۇزدىك پەداگوگ» رەسپۋبليكالىق بايقاۋى 2012 جىلدان بەرى وتكىزىلىپ كەلەدى.
ايتا كەتەتىن ماڭىزدى اقپارات, بايقاۋعا كەمىندە بەس جىل ۇزدىكسىز پەداگوگيكالىق ءوتىلى بار پەداگوگتەر قاتىسا الادى.
سونداي-اق مەكتەپكە دەيىنگى, ورتا, تەحنيكالىق جانە كاسىپتىك ءبىلىم بەرۋ ۇيىمدارىنىڭ شتاتتاعى پەداگوگتەرى دە باقتارىن سىناي الادى.
بيىل تسيفرلاندىرۋ باعىتىندا ۇلكەن جۇمىس اتقارىلدى. بايقاۋدىڭ بارلىق كەزەڭى, ناقتىراق ايتقاندا, قاتىسۋشىلاردى تىركەۋدەن باستاپ رەسپۋبليكالىق كەزەڭنىڭ قورىتىندىسىن شىعارۋعا دەيىن تولىعىمەن تسيفرلاندىرىلعان.
جەڭىمپازدارعا 3 ملن تەڭگە كولەمىندە سىياقى تابىستالادى.
ايتا كەتەيىك, بيىلدان باستاپ بايقاۋعا جەكەمەنشىك مەكتەپ پەداگوگتەرى دە قاتىسا الادى.
بايقاۋ ءۇش كەزەڭنەن تۇرادى:
I كەزەڭ – اۋداندىق, قالالىق دەڭگەي; II كەزەڭ – وبلىستىق دەڭگەي; III كەزەڭ – رەسپۋبليكالىق دەڭگەي.ەكى بايقاۋدىڭ قورىتىندىسى بويىنشا ەڭ جوعارى بالل جيناعان مۇعالىمدەر رەسپۋبليكالىق دەڭگەيگە وتەدى.