قازاقستاندا جالعا بەرىلەتىن باسپانا قىمباتتادى

بيۋرو اقپاراتىنا سايكەس, 2023 جىلعى ماۋسىمدا قازاقستاندا قايتالاما نارىقتاعى پاتەر باعاسى 2022 جىلعى ماۋسىممەن سالىستىرعاندا 1,9%-عا, ال جاڭا تۇرعىن ۇيلەردى ساتۋ 5%-عا ءوستى.

جاڭا ۇيلەردەگى پاتەرلەر پاۆلوداردا (+18,1%), اقتاۋدا (+18%) جانە سەمەيدە (+16%), قايتالاما نارىقتا – سەمەيدە (+29,9%), اقتوبەدە (+22,4%) ءوستى.

جالعا بەرىلەتىن تۇرعىن ۇيگە كەلەتىن بولساق, ءبىر جىل ىشىندە ونىڭ باعاسى كوكشەتاۋدا (+45,5%), پەتروپاۆلدا (+41,5%), اقتاۋدا (+41,1%) جانە الماتىدا (+38,8%) وسكەن. 

ماۋسىم ايىندا رەسپۋبليكا بويىنشا تۇرعىن ءۇيدى ساتىپ الۋ-ساتۋ بويىنشا 29 880 مامىلە تىركەلدى, ونىڭ ىشىندە 21 993 پاتەر جانە 7 887 جەكە تۇرعىن ءۇي. مامىر ايىمەن سالىستىرعاندا ترانزاكتسيالار سانى 16,8%-عا ءوستى, ولاردىڭ باسىم بولىگى الماتى مەن استانادا تىركەلدى. قازاقستاندا كوبىنە ەكى بولمەلى پاتەرلەر ءجيى ساتىلادى. جالپى, جىل ىشىندە تۇرعىن ءۇيدى ساتىپ الۋ-ساتۋ مامىلەلەرىنىڭ سانى 3,7%-عا قىسقاردى.