بۇل تۋرالى مەملەكەت باسشىسى ەلوردانى دامىتۋ ماسەلەلەرى جونىندە وتكىزگەن كەڭەس بارىسىندا ايتتى, دەپ حابارلايدى Egemen.kz.
«ەلوردانى دامىتۋعا قاتىستى بارلىق ماسەلەنى جان-جاقتى ويلاستىرىپ شەشۋ ماڭىزدى. ول ءۇشىن «استانانىڭ مارتەبەسى تۋرالى» زاڭعا شۇعىل تۇردە ءتيىستى وزگەرىستەر ەنگىزۋ قاجەت. زاڭ ارقىلى اكىمدىكتىڭ قۇزىرەتى مەن جاۋاپكەرشىلىگىن كۇشەيتۋ كەرەك», دەدى مەملەكەت باسشىسى.
سونداي-اق پرەزيدەنتتىڭ ايتۋىنشا, استانا تۇراقتى دامۋ ءۇشىن ونى ءتيىمدى ءارى ساپالى باسقارۋ قاجەت.
«استانانى وركەندەتۋ ءۇشىن, ەڭ الدىمەن, اكىمدىك, كاسىپكەرلەر جانە تۇرعىندار اراسىندا سەنىمدى سەرىكتەستىك ورناتۋ قاجەت. باستى مىندەت – ءاربىر ازاماتتىڭ تۇرمىس ساپاسىن جاقسارتۋ. وسىنى دۇرىس تۇسىنگەن ءجون», دەدى ەل پرەزيدەنتى.