مەملەكەت باسشىسى استانا قالاسىنىڭ 25 جىلدىق مەرەيتويىنا ارنالعان باۋىرلاس قالالار فورۋمىندا جاساندى ينتەللەكتتىڭ دامۋى قالانى باسقارۋ ءۇشىن جاڭا مۇمكىندىكتەرگە جول اشاتىنىن ايتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«ورتالىق كوشەلەردى عانا جارقىراتىپ قويىپ, قالانىڭ شەتكەرى اۋداندارىنا كوڭىل بولمەۋ ادىلەتتى قوعام يدەياسىنا ساي كەلمەيدى. ۇيلەسىمدى ءارى تەڭگەرىمدى مەگاپوليس ءۇشىن ءتيىمدى كولىك جۇيەسىنىڭ, سونىڭ ىشىندە دامىعان قوعامدىق كولىكتىڭ, ىڭعايلى ۆەلوسيپەد جانە جاياۋ جۇرگىنشىلەر اۋماعىنىڭ بولۋى اسا ماڭىزدى. «اقىلدى قالا» تۇجىرىمداماسىن جۇزەگە اسىرۋ ازاماتتارعا جاڭا تسيفرلىق قىزمەت ۇسىنۋعا, عيماراتتاردىڭ ەنەرگيا تۇتىنۋ تيىمدىلىگىن ايتارلىقتاي جەتىلدىرۋگە, سونداي-اق كولىك اعىنىن تۇبەگەيلى وڭتايلاندىرىپ, كوشەدەگى قاۋىپسىزدىكتى ارتتىرۋعا مۇمكىندىك بەرەدى. بۇل – ءبىز ءۇشىن وزەكتى مىندەت», دەدى مەملەكەت باسشىسى. سونىمەن قاتار پرەزيدەنت ادامدارعا ءوزارا تىعىز بايلانىس ورناتۋعا كومەكتەسىپ, ازاماتتار مەن بيزنەستىڭ قالاداعى وزەكتى پروبلەمالاردى كوتەرىپ, ولاردى شەشە الاتىن بەلسەندى قوعامداستىق قۇرۋ ىسىنە اتسالىسۋىنا ىقپال ەتەتىنىن, استانا بۇل باعىتتا دامىپ, بىرقاتار جەتىستىككە جەتكەنىن اتاپ ءوتتى.