مەملەكەت باسشىسى قاسىم-جومارت توقاەۆ شىۇ-عا مۇشە مەملەكەتتەر باسشىلارى كەڭەسىنە قاتىسىپ, تسيفرلىق سالاداعى ىنتىماقتاستىقتى كەڭەيتۋ تۋرالى ءسوز قوزعادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسىنىڭ ايتۋىنشا, ءتۇرلى ەلدەر مەن الەۋمەتتىك توپتار اراسىنداعى «تسيفرلىق الشاقتىق» وزەكتى پروبلەماعا اينالىپ وتىر. سوندىقتان پرەزيدەنت تسيفرلىق تەڭسىزدىكتى جوسپارلى تۇردە ازايتۋ شىۇ قىزمەتىندە ناقتى باسىمدىققا اينالۋعا ءتيىس ەكەنىن اتاپ ءوتتى.
ء«ۇندىستان شىۇ-عا توراعالىق ەتكەن كەزەڭدە بۇل باعىتتاعى ىنتىماقتاستىقتى دامىتۋ ءۇشىن اۋقىمدى جۇمىس اتقاردى. ەندى وسى ستراتەگيالىق ماڭىزدى سالاداعى ۇزدىك تاجىريبەلەردى الماسۋ ءىسىن ودان ءارى جالعاستىرىپ, جولعا قويىلعان بايلانىستاردى ساقتاۋ جانە نىعايتۋ ماڭىزدى. بىلتىر قازاقستان بۇۇ-نىڭ ەلەكتروندى ۇكىمەتتى دامىتۋ يندەكسى بويىنشا 28-ورىندى يەلەندى. بۇل – شىۇ-عا مۇشە مەملەكەتتەر اراسىنداعى ەڭ جوعارى كورسەتكىش», دەدى قاسىم-جومارت كەمەل ۇلى.