مەملەكەت باسشىسى قاسىم-جومارت توقاەۆ شىۇ-عا مۇشە مەملەكەتتەر باسشىلارى كەڭەسىنىڭ وتىرىسىنا قاتىستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ
«ەڭ الدىمەن, شانحاي ىنتىماقتاستىق ۇيىمىنا ءۇندىستان رەسپۋبليكاسىنىڭ تابىستى توراعالىق ەتكەنى ءۇشىن پرەمەر-مينيستر نارەندرا مودي مىرزاعا العىس ايتامىن. ءسىزدىڭ ەلىڭىز ۇيىمىمىزدى دايەكتى دامىتۋعا جانە ونىڭ حالىقارالىق بەدەلىن ارتتىرۋعا ەلەۋلى ۇلەس قوستى.بۇگىنگى سامميت اشىقتىق, ءوزارا سەنىم مەن تەڭ قۇقىقتىق پرينتسيپتەرىنە نەگىزدەلگەن جاھاندىق كوپجاقتى ديالوگقا تىڭ سەرپىن بەرەدى. شىۇ قارقىندى تۇردە كەڭەيىپ كەلەدى. بۇل ۇيىمنىڭ ءرولى ارتىپ كەلە جاتقانىن جانە كوپجاقتى ءوزارا ءتيىمدى ىنتىماقتاستىعىمىزدىڭ نىعايا تۇسكەنىن بىلدىرەدى. وسى رەتتە ارىپتەسىمىز يران يسلام رەسپۋبليكاسىنىڭ پرەزيدەنتى يبراحيم ءرايسيدى شىۇ-عا تولىققاندى مۇشە مەملەكەت مارتەبەسىن يەلەنۋىمەن قۇتتىقتاۋعا رۇقسات ەتىڭىزدەر. بەلارۋس رەسپۋبليكاسىنىڭ دا ءبىزدىڭ ۇيىمعا مۇشە اتانۋ پروتسەسى اياقتالۋعا جاقىن», دەدى مەملەكەت باسشىسى. سونىمەن قاتار پرەزيدەنت الەكساندر گريگورەۆيچ لۋكاشەنكونى كەشە وتكەن بەلارۋستىڭ تاۋەلسىزدىك كۇنىمەن قۇتتىقتادى. باۋىرلاس بەلورۋس حالقىنا اماندىق, باق-بەرەكە تىلەدى. سونداي-اق وزبەكستان رەسپۋبليكاسىندا پرەزيدەنت سايلاۋى وتەتىنىن ەسكەردى. پرەزيدەنت شاۆكات ميرومونوۆيچ ميرزيوەۆكە وسى ماڭىزدى شارانى تابىستى وتكىزۋگە تىلەكتەستىك ءبىلدىردى.