الەۋمەتتىك جەلىدە ءمايىتتى تاپقان بالىقشى جاريالاعان ۆيدەو تارادى. ۆيدەو اۆتورىنىڭ ايتۋىنشا, ول تاڭەرتەڭ ارناعا بالىق اۋلاۋعا بارعان. ول اۋەلى قىزدىڭ كيىمىن بايقاعان, كەيىن سۋ تۇبىندە جاتقان ءمايىتتى كورىپ, ونى ۆيدەوعا تۇسىرىپ العان.
پوليتسيا ۆيدەوعا قاتىستى تۇسىنىكتەمە بەردى.
«2 شىلدە كۇنى ساعات 08:00 شاماسىندا 102 كەزەكشى پۋلتىنە اقتاۋ قالاسىنداعى كوپىردەن الىس ەمەس جەردە سۋ جينايتىن كانالدىڭ تۇبىندە ادام ءمايىتى جاتقانى تۋرالى مالىمەت كەلىپ ءتۇستى», دەلىنگەن حابارلامادا.
اتالعان دەرەك سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە قر قىلمىستىق كودەكسىنىڭ 105-بابى بويىنشا تىركەلدى.
مارقۇم ۆالەريا شالنوۆانىڭ تۋىستارى قىزدى بىرەۋ ءولتىرىپ, سۋعا ءوزى باتىپ كەتكەندەي ەتىپ كورسەتپەكشى بولعانىن العا تارتتى. قىلمىستىڭ سەبەبى قىزعانىش بولۋى مۇمكىن. قىزدىڭ جىگىتى وعان ءجيى قول جۇمساعانى بەلگىلى بولدى.