استانادا دينا نۇرپەيىسوۆا ەسكەرتكىشىنىڭ جانىندا دومبىراشىلار باس قوسىپ, جەتىنشى كۇي جارمەڭكەسىن وتكىزدى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
جارمەڭكەگە تاجىريبەلى, تانىمال دومبىراشىلار دا, كەلەشەگىنەن زور ءۇمىت كۇتتىرەتىن جاس تالانتتار دا قاتىستى.
«كۇي جارمەڭكەسىن جەتىنشى رەت وتكىزىپ وتىرمىز. ءبىزدىڭ باستى ماقساتىمىز – جاستاردى ۇلتتىق ونەرگە باۋلۋ, پاتريوتتىق سەزىمىن ارتتىرۋ», دەدى «كۇي اناسى» رەسپۋبليكالىق قورىنىڭ باسشىسى تولەگەن قۋانىشەۆ.
دومبىرا ءۇنى مەن ۇلتتىق كۇيلەردى تىڭداۋ ءۇشىن قالا تۇرعىندارى مەن قوناقتارى جينالدى.
«مەن ۇيىمە اسىعىپ كەتىپ بارا جاتىر ەدىم, كەنەتتەن دومبىرانىڭ سيقىرلى ءۇنىن ەستىدىم. دانا حالقىمىز «جاراتقان يەمىز ءار قازاقتىڭ جان دۇنيەسىنە كۇيدىڭ ءبىر بولشەگىن ەنگىزىپ قويعان» دەيدى. مەن بۇل پىكىرمەن تولىق كەلىسەمىن. شىنىندا دا, ءبىزدىڭ جەرىمىز تالانتتارعا باي. بۇگىنگى ءىس-شارا – وسىنىڭ ءبىر دالەلى», دەدى استانا تۇرعىنى مادينا ءسابيتوۆا.