كەشە كۇندىزگى ساعات 11 شاماسىندا كوكپەكتى اۋدانى ۇلگىلى-مالشى اۋىلىنان 50 شاقىرىم جەردە قامىس ءورتى تىركەلدى, دەپ حابارلايدى Egemen.kz.
اباي وبلىسى تجد ءباسپاسوز قىزمەتىنىڭ مالىمەتىنشە وقيعا ورنىنا جەرگىلىكتى اتقارۋشى ورگانداردىڭ بەيىندى قىزمەتتەرىنىڭ وكىلدەرى دەرەۋ شىققان.
قازىرگى ۋاقىتتا ءورتتىڭ بولجامدى اۋدانى 200 گەكتاردى قۇرايدى. ەلدى مەكەندەرگە قاۋىپ جوق. قازا تاپقاندار مەن زارداپ شەككەندەر تىركەلمەدى.
ۇلگىلى-مالشى اۋىلدىق وكرۋگى اكىمدىگىنىڭ اقپاراتى بويىنشا مەملەكەتتىك ورتكە قارسى قىزمەت ورگاندارىنىڭ كۇشتەرى مەن قۇرالدارىنىڭ تارتىلۋى قاجەت ەمەس.