5 شىلدەگە دەيىن قايىرىمدىلىق سالاسىندا قۇرمەتتى اتاق بەرۋ كونكۋرسىنا قاتىسۋعا وتىنىمدەر قابىلداۋ جالعاسىپ جاتىر, دەپ حابارلايدى Egemen.kz.
كونكۋرسقا قايىرىمدىلىقپەن جەكە نەمەسە ۇيىم قۇرامىندا (قايىرىمدىلىق نەمەسە بيزنەس قۇرىلىم) اينالىساتىن جەكە تۇلعالار قاتىسا الادى.
كونكۋرسقا قاتىسۋعا وتىنىمدەردى جەكە جانە زاڭدى تۇلعالار, سونداي-اق مەملەكەتتىك ورگاندار جولداي الادى.
قۇرمەتتى اتاقتار بەرۋگە وتىنىمدەر zvanie_2023@mbx.kz (PDF فورماتىندا) ەلەكتروندىق مەكەنجايعا قابىلدانادى. سونداي-اق اقپارات جانە قوعامدىق دامۋ مينيسترلىگىنىڭ كەڭسەسى ارقىلى قولما-قول قاعاز جانە ەلەكتروندىق تاسىعىشتاردا (DOC, DOCX, PDF فورماتىنداعى CD-ديسكىلەردە نە USB-فلەش-جيناقتاعىشتاردا) وتكىزۋگە بولادى.