الماتى وبلىسىنداعى قامىس ورتىنە تىكۇشاق جۇمىلدىرىلدى

الماتى وبلىسى تجد مالىمەتتەرىنە سۇيەنەتىن بولساق, ءورتتىڭ جالپى اۋماعى شامامەن 6200 گا بولدى, ونىڭ ىشىندە سوندىرىلگەنى 6080 گا اۋماق.

تجد جانە «ىلە-بالقاش «متر» رمم كۇشتەرىمەن قولمەن جۇمىس ىستەيتىن شانتس قۇرالدارى مەن موتوپومپالاردى پايدالانا وتىرىپ, سولتۇستىك-باتىس جاعىنداعى 6-كۆارتالدا الدىن الا 120 گا الاڭدا ءسوندىرۋ جۇمىسى جۇرگىزىلىپ جاتىر.

سونىمەن قاتار باقاناس ورمان شارۋاشىلىعى ۋچاسكەلەرىندە ءورتتىڭ تارالۋىن بولدىرماۋ ءۇشىن ورمان شارۋاشىلىعى كۇشتەرى جىرتۋ جۇمىستارىن جۇرگىزۋدە.

ۆەدومستۆو ەلدى مەكەندەرگە قاۋىپ جوق ەكەنىن ايتتى.

28 ماۋسىم كۇنى ساعات 13:40-تان باستاپ ءورتتى سوندىرۋگە «قازاۆياقورعاۋ» اق-نىڭ مي-872 تىكۇشاعى جۇمىلدىرىلىپ, وسى ۋاقىتقا دەيىن جەتى رەت سۋ توگۋ جۇمىستارى جۇرگىزىلدى.

ءورتتى سوندىرۋگە 34 قىزمەتكەر, 3 بىرلىك تەحنيكا, 1 ءجۇزۋ قۇرالى مەن درون جۇمىلدىرىلعان. 2023 جىلعى 26 ماۋسىمدا قوسىمشا 13 ادام, 2 بىرلىك تەحنيكا جانە 2 موتوپومپاسى بار 1 ءجۇزۋ قۇرالى جىبەرىلدى. سونداي-اق «ىلە-بالقاش» رمم 25 ادام جانە 10 بىرلىك تەحنيكا, 8 ادام جانە 4 بىرلىك ورمان شارۋاشىلىعى تەحنيكاسى جۇمىلدىرىلعان.