28 ماۋسىم قۇربان ايت مەرەكەسى باستالادى. وسىعان وراي قازاقستان مۇسىلماندارى ءدىني باسقارماسى «قۇربان-2023» قايىرىمدىلىق اكتسياسىن ۇيىمداستارىپ جاتىر. قمدب قۇربان شالۋ ءراسىمىن قاشىقتان وتكىزۋگە ارنالعان qurban2023.kz سايتىن ىسكە قوستى, دەپ حابارلايدى Egemen.kz.
«مۇسىلمان قاۋىمىنىڭ قاسيەتتى ايت مەرەكەسىنە وراي بارشا قازاق ەلىن «قۇربان-2023» قايىرىمدىلىق اكتسياسىنا ۇلەس قوسۋعا شاقىرامىز. حالىققا, اسىرەسە ۇلكەن قالالاردا تۇراتىن جاماعاتقا وڭتايلى بولۋ ءۇشىن بيىل قۇربان شالۋ وفلاين جانە ونلاين فورماتتا جۇزەگە اسادى», دەلىنگەن رەسمي اقپاراتتا.
قمدب مالىمەتىنشە, ونلاين تۇردە قۇربان شالام دەۋشىلەر سايت ارقىلى قۇرباندىق مالىن تاڭداپ, كورسەتىلگەن رەكۆيزيتكە قاجەتتى قاراجاتتى اۋدارا الادى. قوي مەن ەشكىنى جەكە ادام, ال ءىرى قارا مەن تۇيە مالىن ءبىر نەمەسە 7 ادام بىرىگىپ شالسا بولادى. بۇدان كەيىن تولەم بارىسىندا حابارلاماعا تاپسىرىس ءنومىرى مەن قۇرباندىق شالۋشىنىڭ اتى-ءجونىن جازۋ مىندەتتى. قۇرباندىق شالىنعان سوڭ ونىڭ فوتو جانە بەينە ەسەبى تاپسىرىس بەرۋشى كورسەتكەن WhatsApp نومىرگە جىبەرىلەدى.