«تيتانيك» لاينەرىنە سۇڭگىگەن OceanGate كومپانياسىنا تيەسىلى «تيتان» باتيسكافىنىڭ سىنىقتارى تابىلدى. كومپانيا مالىمەتىنشە, بورتتا بولعان تۋريستەر قايتىس بولدى, دەپ حابارلايدى Egemen.kz.
«تيتان» سۋاستى كولىگى 18 ماۋسىم كۇنى اتلانت مۇحيتىندا باتىپ كەتكەن «تيتانيك» لاينەرىنە ەكسكۋرسياعا اتتانعان. بەلگىلى بولعانداي, اپپارات بورتىندا ۇيىمنىڭ باس ديرەكتورى ستوكتون راش, ميللياردەر حاميش حاردينگ, كاسىپكەر جانە ميللياردەر شاحزادا داۆۋد جانە ونىڭ ۇلى سۋلەمان داۆۋد, سونداي-اق فرانتسۋز زەرتتەۋشىسى پول-انري نارگەولە بولعان.
بوستون جاعالاۋ كۇزەتىنىڭ مالىمەتىنشە, «تيتان» ءتورت شاقىرىم تەرەڭدىككە سۇڭگىگەننەن كەيىن 1 ساعات 45 مينۋتتان سوڭ بايلانىس ۇزىلگەن. نەگىزىندە باتيسكافتاعى ادامدار سۋ استىنا تۇسكەننەن كەيىن 96 ساعات بويى وتتەگىمەن قامتاماسىز ەتىلۋى كەرەك ەدى.
سۇڭگۋىر قايىق جوعالعاننان كەيىن بىردەن اتلانت مۇحيتىندا ىزدەۋ-قۇتقارۋ جۇمىستارى باستالدى. كەشە ىزدەۋ-قۇتقارۋ جۇمىستارى كەزىندە باتيسكافتىڭ سىنىقتارى تابىلدى. قيراندىلار اپاتتى جاعداي بولعانىن كورسەتەدى. بىراق وعان نە سەبەپ بولعانى ازىرگە بەلگىسىز. قازا تاپقانداردىڭ ءمايىتى تابىلماۋى دا مۇمكىن.