ەندى جانارماي قۇيۋ بەكەتتەرىندە باللونداردى تولتىرۋعا بولمايدى. ال سۇيىتىلعان كوگىلدىر وتىندى ساتۋ باعاسى قاتاڭ باقىلاۋعا الىنادى. بۇل زاڭ جوباسىن سەنات ماقۇلداپ, پرەزيدەنتكە قول قويۋعا جىبەردى, دەپ حابارلايدى Egemen.kz.
گاز سالاسىنداعى زاڭنامانى وزگەرتۋگە بىلتىرعى قاڭتار وقيعاسى سەبەپ بولدى. ەندى كوگىلدىر وتىننىڭ قىمباتتاۋى كۇرت تىيىلادى. سونىمەن قاتار بەلگىلى ءبىر باعامەن ساتىپ الىنعان سۇيىتىلعان گازدىڭ ءاربىر پارتياسىن رەسمي ۇستەمە باعادان ارتىق ساتۋعا بولمايدى. ال تۇرمىستىق باللونداردى قاۋىپسىزدىك ماقساتىندا ارنايى بولىنگەن ورىنداردا عانا تولتىرۋعا بولادى.
«جانارماي قۇيۋ بەكەتتەرىندە گاز باللونىن تولتىرۋعا تىيىم سالىندى. گاز باللوندارىنىڭ قىسىمىن تەكسەرەتىن ارنايى تەحنيكا بار, وندا ارنايى ەستاكادالار بار», دەپ ءتۇسىندىردى ەنەرگەتيكا ۆيتسە-ءمينيسترى جاندوس نۇرماعانبەتوۆ.
ەسكە سالايىق, تۇرمىستىق گاز باللوندارىنا جانارماي قۇيۋ ماسەلەسى سوناۋ 2016 جىلى تالقىلانعان بولاتىن. ەنەرگەتيكا مينيسترلىگى اكىمدىكتەرگە تۇرمىستىق گاز باللوندارى مەن گازبەن جابدىقتاۋ جۇيەسى نىساندارىن قاۋىپسىز پايدالانۋ تالاپتارىنىڭ ساقتالۋىنا باقىلاۋدى كۇشەيتۋدى ۇسىندى.