22 ماۋسىمدا ساعات 04.40-تا ساتباەۆ داڭعىلىنداعى ازىق-ت ۇلىك دۇكەنىندە ءورت بولدى. دۇكەن ون قاباتتى تۇرعىن ءۇيدىڭ 1-قاباتىندا ورنالاسقان. ساۋدا جابدىقتارى مەن ازىق-ت ۇلىك ونىمدەرى جاندى, دەپ حابارلايدى Egemen.kz شقو تجد ءباسپاسوز قىزمەتىنە سىلتەمە جاساپ.
وقيعا ورنىنا كەلگەن شقو تجد قىزمەتكەرلەرى باسپالداق ارقىلى 30 ادامدى, ونىڭ ىشىندە 6 بالانى ەۆاكۋاتسيالادى. ءورت ساعات 05.40-تا 25 شارشى مەتر الاڭدا ءسوندىرىلدى.
قايتىس بولعاندار مەن زارداپ شەككەندەر جوق.
ءورتتى سوندىرۋگە جەكە قۇرامنان 35 ادام جانە 11 بىرلىك تەحنيكا جۇمىلدىرىلعان.
ءورت ەلەكتر جابدىعىن ورناتۋ مەن پايدالانۋ كەزىندە ءورت قاۋىپسىزدىگى تالاپتارىن ساقتالماۋىنان بولعان.
«شقو تجد كاسىپكەرلەرگە ءورت قاۋىپسىزدىگى ەرەجەلەرىن ساقتاۋدى ەسكەرتەدى. ەلەكتر جابدىقتارىنىڭ جارامدىلىعىن باقىلاڭىز. وبەكتىلەردە اقاۋسىز العاشقى ءورت ءسوندىرۋ قۇرالدارى جانە اقاۋسىز اۆتوماتتى ءورت دابىلى بولۋى ءتيىس. نىسان قىزمەتكەرلەرى قاۋىپسىزدىك نۇسقامالارىنان ءوتۋى جانە ءورت كەزىندە جىلدام ارەكەت ەتە ءبىلۋى ءتيىس», دەلىنگەن حابارلامادا.