كەزدەسۋ بارىسىندا مەملەكەت باسشىسى قازاقستانداعى پراۆوسلاۆ شىركەۋىنىڭ مەملەكەت پەن كونفەسسيا اراسىنداعى قارىم-قاتىناستى نىعايتۋعا, سونداي-اق رۋحاني قۇندىلىقتار مەن دىنارالىق ديالوگتى ىلگەرىلەتۋگە ەلەۋلى ۇلەس قوسىپ كەلە جاتقانىن اتاپ ءوتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنت ورتاق كۇش-جىگەردىڭ ناتيجەسىندە ەلىمىزدە كوپتەگەن ەتنوس وكىلدەرى مەن ءتۇرلى ءدىندى ۇستاناتىن حالىقتار ءوزارا تاتۋ ءومىر ءسۇرىپ جاتقانىنا نازار اۋداردى.
بۇل رەتتە قاسىم-جومارت توقاەۆ قازاقستانداعى پراۆوسلاۆ شىركەۋىنىڭ ءدىني قىزمەتىن قولداۋ ماسەلەسىندە كونسترۋكتيۆتى قارىم-قاتىناستى ساقتاۋ ماڭىزدى ەكەنىن اتاپ ءوتىپ, الەۋمەتتىك جانە اعارتۋشىلىق باعدارلامالاردى دامىتۋ قاجەت ەكەنىن ايتتى.
ءوز كەزەگىندە ميتروپوليت الەكساندر قازاقستاننىڭ كوركەيتۋ جولىندا بەيبىتشىلىك پەن بىرلىكتى نىعايتۋ ءىسىن قولدايتىنىن جەتكىزدى جانە پرەزيدەنتكە العاش رەت قازاق تىلىندە جارىق كورگەن دۇعا كىتابىن تابىس ەتتى.