ءۇمىت وتىن جاققان ۇيا

ءبىزدىڭ كوپبەيىندى وبلىستىق اۋرۋحانا رەس­پۋبليكالىق جانە جەرگىلىكتى بيۋدجەت ەسەبىنەن جىل سايىن جوعارى تەحنولوگيالىق جاب­دىق­تارمەن قامتاماسىز ەتى­لىپ, ما­تەريالدىق-تەحني­كالىق بازامىز ۇنەمى جاڭارتىلىپ كەلە­دى. بىلتىر ءموبيلدى تسيفرلىق رەنت­گەن جۇيەسىن, ءۇش جۇمىس ور­نىنا ارنالعان رەنتگەندىك دياگ­نوستيكالىق اپپارات, ۋدز, 3D وپتيكالىق كوگەرەنتتى توموگرا­فىن, ۆيدەودۋودەنوسكوپ, 6 انەس­تە­زيولوگيالىق جۇمىس ستانسا­سىن ساتىپ الدىق. جالپى, ماتە­ريالدىق-تەحنيكالىق قامتاما­سىز ەتۋ مەن جاب­دىقتاۋعا 600 ميلليون تەڭگەدەن اسا قارا­جات ءبولىندى. بيىل جەرگىلىكتى بيۋد­جەتتەن وسى ماقساتتا 300 ميل­ليون تەڭگە قاراستىرىلىپ وتىر. وعان ۋرولوگياعا ارنالعان بەينە­ەندوسكوپيالىق كەشەن, كواگۋ­لياتسياعا ارنالعان جوعارى جيى­لىكتى ەلەكتروكواگۋلياتور, ەلەك­ترو­حيرۋرگيالىق اپپارات, ۋلترا­دىبىستىق دياگنوستيكا­لىق مەدي­تسينالىق ءپورتاتيۆتى جۇيە, دەفيبريللياتور-مونيتور, ەستۋ جۇيەسىن تەكسەرۋگە ارنالعان وبەك­تيۆتى اۋديولوگيالىق مو­دۋلدىك قۇرىلعى ءتارىزدى بىرقا­تار قۇرال-جابدىقتى الۋدى جوس­پارلاپ وتىرمىز. وسىنىڭ بار­لىعى مەملەكەت تاراپىنان كور­سەتىلىپ وتىرعان جاندى قامقور­لىق ءارى ادامداردىڭ دەنساۋلىعىن ساقتاۋعا, اۋرۋدىڭ الدىن الۋعا باعىتتالىپ وتىرعان يگى قادام دەپ ايتۋعا ابدەن بولادى.

كوپسالالى وبلىستىق اۋرۋحانا سولتۇستىك وڭىردەگى پراكتي­كاسى مەن عىلىمى, ءبىلىمى ساپالى ينتەگراتسيالانعان جە­تەك­شى مەديتسينا­لىق ۇيىم ەكە­نىن جوعارىدا اتاپ ءوتتىم. ءبىز­دىڭ ­باستى مىندەتىمىز – وبلىس حال­قىنا زاماناۋي جابدىقتار مەن يننوۆاتسيالىق تەحنولوگيالار­عا نەگىزدەلگەن قولجەتىمدى مەدي­تسي­نالىق كومەك كورسەتۋدى ساپالى ۇيىمداستىرۋ. اۋرۋحانادا جوعارى تەحنولوگيالىق مەدي­تسي­نالىق قىزمەتتەر كارديو­حي­رۋرگيا, نەيروحيرۋرگيا, رەنتگەن-ەندو­ۆاسكۋليارلىق حيرۋرگيا, انگيوحيرۋرگيا, ونكولو­گيالىق بەيىن, ورتوپەديا باعىتتارىندا جۇزەگە اسىرىلادى. بىلتىر 12 ايدا اۋرۋحانادا 28 مىڭ­نان اسا ناۋقاس ستاتسيونارلىق ەم قا­بىل­داسا, 95 مىڭعا جۋىق ادام­عا امبۋلاتوريالىق قىزمەت كور­سە­تىلدى, 12 مىڭنان اسا ادامعا وپەراتسيا جاسالدى.

جىل وزعان سايىن مەديتسينا سالاسىنا جاڭا تەحنولوگيالار ەنگىزىلىپ, دامىپ كەلەدى. وسى رەتتە, شە­بەرلىك سىنىپتارى, وقىتۋ جانە ءتۇرلى سەمينارلار ءجيى وت­كى­زىلىپ تۇرادى. بىلتىر اۋرۋحا­نادا ەلىمىزدىڭ جانە تاياۋ شەتەل­دەردىڭ جەتەكشى ماماندارى­نىڭ قاتىسۋىمەن 5 شەبەرلىك سىنى­بى ۇيىمداستىرىلدى. اتاپ ايتقان­دا, قۋىق استى بەزىنىڭ قاتەرلى ىسىگى كەزىندەگى راديكالدى پروستاتەكتومياسىنا, وكپە ارتەريا­سى تارماقتارىنىڭ ونۋىمەن وكپە­نىڭ ورتالىق قاتەرلى ىسىگى كەزىن­دە­گى برونحوانگيوپلاستيكالىق لوبەك­تومياسىنا, ۆاريكوزدى ەمدەۋ كە­زىندە ەندوۆازالدى لازەرلىك كواگۋلياتسياسىنا, سەمىزدىك جانە مەتابوليكالىق سيندرومىنا بارياتريالىق وپەراتسيالار, جۇ­رەكتىڭ قولقا بولىمىنە كارديوۆەرتەر-دەفيبريللياتور, ستەنت-گرافت ورناتۋعا قاتىستى وپەراتسيالار جاسالدى. 2022 جىلى اۋرۋلاردى دياگنوستيكالاۋ مەن ەمدەۋدىڭ 30 جاڭا ءادىسى ەنگىزىلدى.

كوپسالالى اۋرۋحانانىڭ قۇ­را­مىنا پە­ري­ناتالدىق ورتا­لىق تا كىرەدى, ول – وبلىستا 3 دەڭگەي­لى مامانداندىرىلعان اكۋ­شەرلىك, گينە­كو­­لوگيالىق, نەونا­تولوگيالىق كومەك كور­سە­تە­تىن, ايەلدەردى بوساندىراتىن جال­عىز ەم­دەۋ-پرو­فيلاكتيكالىق مە­كەمەسى. جىل سايىن ور­تالىقتا 4,5 مىڭعا جۋىق ايەل دۇ­نيەگە ءسابي اكەلەدى. سونداي-اق وندا ءوڭىردىڭ مەديتسينا­لىق ۇيىمدارىنان جولدامامەن جى­بەرىلگەن جۇكتى ايەلدەر ەم الادى, جاڭا تۋعان سابيلەرگە, ونىڭ ىشىندە دەنە سالماعى تومەن نەمەسە وتە تومەن شارانالارعا كۇ­تىم كورسەتىلەدى. ورتالىقتا زا­­­­ماناۋي جابدىقتاردى پايدالانا وتىرىپ, لا­پارو­سكوپيا­لىق, گيستەروسكوپيالىق, سونداي-اق, ورگان­داردى ساقتاپ قالاتىن وپەراتسيالار جۇزەگە اسىرىلادى. ونىڭ كونسۋلتاتسيالىق-ەمحانا­لىق بلوگىندا دارىگەرلەر ۋدز جۇرگىزىپ, اكۋشەر-گينەكولوگتەر, گەنەتيكتەر كونسۋلتاتسيالار وتكىزە­دى, سونداي-اق گەماتولوگيالىق, تسيتو­گەنەتيكا­لىق, يممۋنولوگيالىق زەرتحانالىق تەكسەرۋلەر جانە مە­ديتسينالىق-گەنەتيكالىق سكرينينگتەر جۇرگىزىلەدى.

اۋرۋحانانىڭ قۇرىلىمدىق بولىمشەسى سانالاتىن ونكولوگيالىق ورتالىق قا­تەر­لى اۋرۋلاردى ەرتە انىق­تاۋ­­عا سكرينينگتىك زەرتتەۋ­لەر جۇر­گىزۋ, الدىن الۋ, وبلىس­تا­عى مە­ديتسينالىق ۇيىم­دارعا ون­كو­لو­گيالىق كومەك ماسەلەلەرى بو­يىنشا ۇيىمداستىرۋ-ادىس­تە­مەلىك جۇمىستاردى جۇزەگە اسىرۋ, وبلىس تۇرعىندارىنا كونسۋل­تاتسيالىق-دياگنوستيكالىق كو­مەك كورسەتىپ, ونكولوگيالىق ناۋ­قاستاردى ەمدەۋ باعىتىندا قىزمەت ەتەدى. جىل سايىن 100 مىڭ­نان اسا ادام ءسۇت بەزى, جاتىر موينى, تىك ىشەك جانە توق ىشەك قاتەرلى ىسىكتەرىن ەرتە انىقتاۋ­عا باعىتتالعان سكرينينگتىك زەرت­تەۋدەن وتەدى. ودان بو­لەك, 25 مىڭنان اسا ناۋقاس قا­بىل­دانىپ, ولارعا كونسۋلتاتسيا بە­رىلەدى. وسى رەتتە, ايتا كەتسەك, 2021 جىلدان بەرى سالىستىرمالى تۇرعىدان قاراساق, قاتەرلى ىسىككە شالدىعۋشىلار سانى 2,3 مىڭعا دەيىن كوبەيگەن. تەرى-ۆەنەرولوگيالىق كومەك كورسەتۋ قىزمەتى ءوز ستاتسيونارى بار 150 كەلۋشىگە ارنالعان ەمحانادا ۇسىنىلادى. بىلتىر 12 ايدا وندا 20 مىڭنان اسا كەلۋشىگە قىزمەت كورسەتىلدى, ونىڭ 10 مىڭنان استامى جاستار مەن وقۋشىلار.

ءبىر اتاپ وتەرلىگى, اۋرۋ­حا­نا بولىمشەلەرىنىڭ مەڭگەرۋ­شى­لەرى, ونكولوگيالىق, دەر­ما-ۆەنە­رولوگيالىق جانە پەريناتال­دىق ورتالىقتىڭ ماماندارى اقمولا وبلىسىنىڭ شتاتتان تىس باس ماماندارى بولىپ سانا­لادى. ولار وبلىس اۋداندا­رى­نا ۇيىمداستىرۋشىلىق-ادىس­تەمەلىك كومەك كورسەتەدى. ساني­تا­رلىق اۆياتسيا جەلىسى بو­يىنشا اۋداندارعا جوسپارلى شىعۋ­لار جۇزەگە اسىرىلادى. ماسەلەن, بىلتىر انەستەزيولوگ, حيرۋرگ, نەيرو­حيرۋرگ, نەوناتولوگ, كارديوحيرۋرگ, نەۆروپاتولوگ, اكۋشەر-گينەكولوگ سەكىلدى دارى­گەرلەر باس-اياعى 260 رەت وبلىس اۋداندارى­نا شىعىپ, كومەك قولىن سوزعان. دارىگەرلەر بىلتىر تەلەمەديتسينا بويىنشا 1624 ونلاين كونسۋلتاتسيا وتكىزگەن, ونىڭ 126-سى بەينەكونسۋلتاتسيا.

وتكەن جىلى اۋرۋحانا ۇلت­تىق اككرەديتتەۋ ستاندارتتارىنا سايكەستىكتى سىرتقى كەشەندى باعالاۋعا دايىندىق بويىنشا ۇلكەن جۇمىس جۇرگىزىپ, تەكسەرىس قورىتىندىسى جانە اككرەديتتەۋ كوميسسياسىنىڭ شەشىمى بويىنشا كوپسالالى وبلىستىق اۋرۋحاناعا 1-سانات بەرىلىپ, 3 جىل مەرزىمگە اككرەديتتەلدى.

كوپسالالى وبلىستىق اۋرۋحانا ش.ءۋاليحا­نوۆ اتىنداعى كوك­شەتاۋ ۋنيۆەرسيتەتى جانىن­دا­عى جوعارى مەديتسينا مەكتەبىنىڭ, سونداي-اق, كوكشەتاۋ جوعا­رى مەديتسينالىق كوللەدجى­­نىڭ كلي­نيكالىق بازاسى بولىپ تابىلادى. جىل سا­يىن مىڭنان اسا ستۋدەنت, ينتەرن مەن رەزيدەنت ­اۋرۋحانادا تاجىريبە مەن وقىتۋدان وتەدى.

ارينە, بىزدە شەشىمىن كۇت­كەن كوپتەگەن وزەك­تى ماسەلە دە جوق ەمەس. ول – اۋرۋحانانىڭ ما­تەريالدىق-تەحنيكالىق بازاسىن ودان ءارى جاق­سار­تۋ, جاڭا وزىق تەحنولوگيالاردى ەنگىزۋ, ەڭ وزەك­تى سانالاتىن كادر ماسەلەسىن شەشۋ. ماسەلەن, اۋرۋحاناعا اكۋشەر-گينەكولوگ, انەستەزيولوگ-­رەانيماتولوگ, تەراپەۆت, اللەرگولوگ, حيميوتەراپەۆت, حيرۋرگ ءتارىزدى ­11 دارىگەر جەتىسپەيدى. سونداي-­اق الدىمىزعا اۋرۋحانانىڭ ودان ءارى دامۋى ءۇشىن 2021-2025 جىل­­دار­عا ارنالعان «دەنى ساۋ ۇلت» ءاربىر ­ازامات ءۇشىن ساپالى جانە قولجەتىمدى دەنساۋلىق ساقتاۋ» ۇلتتىق جوبا­سىن ىسكە اسىرۋ مىندەتى, دەنساۋلىق ساقتاۋ باس­قارماسىمەن كەلىسىلگەن مە­موراندۋم ينديكا­تورلارىن ورىنداۋ مىندەتتەرى تۇر.

كوكشەتاۋ قالاسى بۇگىندە قار­قىندى ءوسىپ كەلە جاتقانى كوز قۋانتادى. سونىڭ ىشىندە سارىارقا شاعىن اۋدانىندا بيىل 630 توسەكتىك ورىنعا ارنال­عان كوپسالالى اۋرۋحانانىڭ قۇرى­لىسى جوسپارعا ەنگىزىلدى. بۇل اۋرۋحانا وبلىسىمىزدىڭ جا­نە كورشى ءوڭىردىڭ جاقىن ماڭ­­داعى اۋداندارىنىڭ بار­لىق تۇرعىندارىنا جو­عا­رى تەحنولوگيالىق, مامان­دان­دى­رىلعان قولجەتىمدى مەدي­تسي­نا­لىق كومەكتى قامتاماسىز ەتەتىن بولادى. اۋماعىندا اۋرۋحانانىڭ ءتيىمدى جۇمىس ىستەۋى ءۇشىن نەگىزگى كەشەندى عيماراتىنان باسقا, بار­لىق نىسان جوبالانعان. اتاپ ايتقاندا, 208 ورىندىق جابىق اۆتوتۇراق, تىكۇشاق الاڭى, قازاندىق, گاراج, پاتولوگيا­لىق-اناتوميالىق بولىمشە ء(ما­يىتحانا), قويما, جەدەل جاردەم ۆاگوندارىن دەزينفەكتسيالاۋ پۋنكتى بولادى.

نىساندى سالۋداعى باستى ماق­سات – ەلدىڭ سولتۇستىك وڭىرىندە عىلىم مەن ءبىلىم بەرۋ تاجى­ريبە­سىن ساپالى ينتەگراتسيالاي وتىرىپ, وزىق تەحنولوگيالاردى پايدالانۋ ارقىلى زەرتحا­نالىق-دياگنوستيكالىق زەرتتەۋلەردەن باستاپ, ستا­تسيونارلىق ەمدەۋگە دەيىن ۇسىنىلاتىن قىز­مەتتەردىڭ كەڭ سپەكترى بار, حالىقارالىق دەڭ­گەيدەگى اۋرۋحانا قۇرۋ. ارينە, جاڭا اۋرۋحانا بولعاندىقتان, زاماناۋي قۇرال-جابدىقتار ارقىلى ماتەريال­دىق بازا تولىقتىرىلادى, سوعان سايكەس كادرلىق الەۋەتىمىز دە نى­عايادى دەپ جوس­پارلاپ وتىرمىز.

نۇرلان جاروۆ,

اقمولا وبلىستىق كوپبەيىندى اۋرۋحاناسىنىڭ باس دارىگەرى, وبلىستىق ءماسليحاتتىڭ دەپۋتاتى