ۇمىتىلماس « ۇلىتاۋ ءۇنى»

فەستيۆال اياسىندا كۇي اتاسى قۇرمانعازىنىڭ 205, اقان سەرىنىڭ 180, انۋاربەك بايجان­باەۆتىڭ 100 جىلدىعىنا ار­­نالعان كۇيشىلەر مەن ان­شىلەر بايقاۋى, كوركەمسوز وقۋ سايىسى ءوتتى. سونىمەن قاتار جىر­شى-تەرمەشىلەر شىن­بو­لات دىلدەباەۆ اتىنداعى بايقاۋدا باق سىنادى.

كۇي تارتىستا باس جۇلدە جەز­قازعاندىق بەكزادا دوستيا­روۆاعا بۇيىردى. ءداستۇرلى ءان ورىنداۋشىلارى اراسىندا ەلوردالىق ساكەن ءالىمحان وزىق شىقتى. كوركەمسوز وقۋدا باس جۇلدەگە جەز­قازعاندىق سەرىك الەن يە بولىپ, جىر-تەرمە ورىنداۋدا كۇنسۇلۋ تۇرىك­پەننىڭ ءباسى جو­عارى بولدى.

امانگەلدى يمانوۆتىڭ 150 جىلدىعىنا ارنالعان «ازات­تىق» دەپ الىسقان ارىس­تارىم!» اتتى رەسپۋبليكالىق ايتىس ەكى كۇنگە سوزىلدى. ءسوز بارىم­تاسىندا باس جۇلدەنى قوس­تانايلىق ايبەك قاليەۆ جەڭىپ الدى. وسى ورايدا قوستاناي وبلىسى امانگەلدى اۋدانىنىڭ جانە «امان­گەلدى يمان» قوعامدىق قورى وكىلدەرىنىڭ ايتىسقا ارنايى كەلىپ, سىي-سياپاتتارىن جاساۋى ءىس-شارانىڭ مازمۇنىن ارتتىرا ءتۇستى.

بۇدان بولەك, فەستيۆال قو­ناقتارى بەلگىلى بارد-ءانشى قوراباي ەسەنوۆتىڭ, اقىن باعدات بايجانتاەۆتىڭ شى­عار­ماشىلىق كەشتەرىن تاماشالادى.

جەزقازعان