ايەلدەر تەننيس قاۋىمداستىعى (WTA) الەمدىك رەيتينگتى جاڭارتتى. قازاقستان تەننيسشىسى ەلەنا رىباكينا رەسمي تۇردە 3 ورىنعا كوتەرىلدى, دەپ حابارلايدى Egemen.kz.
قازاقستاننىڭ ءبىرىنشى راكەتكاسى الەمدىك رەيتينگتە 3 ورىنعا جايعاستى. بۇل ەلەنا رىباكينا ءۇشىن رەكوردتىق رەيتينگ.
ايتا كەتسەك, كوش باسىن پولشا تەننيسشىسى يگا شۆەنتەك باستاپ تۇر. ال ەكىنشى ورىنعا بەلارۋس تەنيسشىسى ارينا سوبولەنكو جايعاستى.
قازاقستان تەننيسشىسىنىڭ بۇل جەتىستىگىنە «رولان گارروس» جارىسىنداعى ويىنى اسەر ەتتى.
ەسكە سالا كەتسەك, ويىندى ءساتتى باستاعان رىباكينا دەنساۋلىعىنا شاعىمدانىپ, جارىس الاڭىنان شىعۋعا ءماجبۇر بولدى.