گرۋزيانىڭ باتۋمي قالاسىندا كادەتتەر مەن جاستار اراسىنداعى راپيد جانە بليتس شاحماتتان الەم چەمپيوناتى اياقتالدى, دەپ حابارلايدى Egemen.kz قر مادەنيەت جانە سپورت مينيسترلىگىنە قاراستى سپورتتى دامىتۋ ديرەكتسياسىنىڭ ءباسپاسوز قىزمەتىنە سىلتەمە جاساپ.
شۆەيتساريالىق جۇيە بويىنشا 11 راۋندتان تۇراتىن بəسەكەدە 35 ەلدەن كەلگەن 450-دەن استام 8-18 جاس ارالىعىنداعى ويىنشى ءوزارا سىنعا ءتۇستى.
قازاقستان قۇراماسىنىڭ ورەندەرى 6 كۇنگە سوزىلعان تۋرنيردە جاقسى نəتيجە كورسەتتى. ناتيجەسىندە قورجىنعا 2 التىن مەن 4 كۇمىس مەدال ءتۇستى.
Əۋەلى جاس ويىنشىلار راپيدتەن ۇزدىكتەردى انىقتادى. مۇندا الاننا بەرىكقىزى (10 جاسقا دەيىن), ايارۋ التىنبەك (U-12) پەن زارينا نۇرعاليەۆا (U-14) ءوز جاس ساناتىندا 2-ورىننان كورىندى.
ال بليتستە جاس وتانداسىمىز يمان نəبيەۆ كۇمىس مەدال جەڭىپ الدى. ول تەك شوتلانديالىق لۋيس چەنگكە ەسە جىبەردى. ال ايارۋ التىنبەك (U-12) پەن زارينا نۇرعاليەۆا (U-14) چەمپيون اتاندى. جۋىردا عانا كلاسسيكالىق شاحماتتان 9 جاسقا دەيىنگى ويىنشىلار اراسىندا əلەم چەمپيونى اتانعان الاننا بەرىكقىزى بۇل سىندا ۇزدىك بەستىكتى تۇيىندەدى. وسى تۇستا ۇيىمداستىرۋشىلار جىگەرلەندىرۋ ءۇشىن بارلىق جاس ساناتىندا جاقسى نəتيجە كورسەتكەن əدەتتەگىدەي 3 ەمەس, 5 ويىنشىعا جۇلدە تابىستاعانىن ايتا كەتۋ كەرەك.