سوڭعى ەكى اپتادا ورتالىق ازياعا قاتىستى ءۇش بىردەي ىرگەلى جيىن ءوتتى. ۇشەۋىنىڭ دە ەكونوميكالىق تۇرعىدان ەلىمىزگە ماڭىزى وراسان زور, دەپ حابارلايدى Egemen.kz.
وسى تۇستا «Egemen Qazaqstan» گازەتىنىڭ ءتىلشىسى اباي ايماعامبەتتىڭ «ورتالىق ازيا – مۇددەلەر توعىسى» ماقالاسىنداعى سيان سامميتىنە توقتالىپ وتسەك.
مەملەكەت باسشىسى قاسىم-جومارت توقاەۆ ورتالىق ازيا ەلدەرىنىڭ əلەۋەتىن قىتايدىڭ وراسان زور ەكونوميكالىق قۋاتىمەن ۇشتاستىرۋ ءبىزدىڭ كوپ قىرلى سەرىكتeستىگىمىزگە تىڭ سەرپىن بەرەتىنىن ايتتى.
«قازاقستان وسى ماقساتقا جەتۋ ءۇشىن بار كۇش-جىگەرىن جۇمساۋعا دايىن. قازىرگى تاڭدا ەلىمىزدە ۇلتتىق ەكونوميكامىزدى əرتاراپتاندىرۋ ءۇشىن اۋقىمدى ءəرى جان-جاقتى رەفورما جۇرگىزىپ جاتىرمىز. شەتەل ينۆەستورلارىنا قولايلى جاعداي جاساۋعا جəنە كەدەرگىلەردى جويۋعا باعىتتالعان جۇمىستار اتقارىلىپ جاتىر. تəۋەلسىزدىك جىلدارىندا ەلىمىزگە 350 ميلليارد دوللاردان استام ينۆەستيتسيا تارتىلدى. سونىڭ 23 ميلليارد دوللاردان استامى قىتايدىڭ ەنشىسىندە. قىتايمەن ينۆەستيتسيا سالاسىنداعى ىنتىماقتاستىقتى ودان ءəرى دامىتۋعا دايىنبىز. كەشە مەملەكەتتىك ساپارىمنىڭ اياسىندا ينۆەستيتسيالىق فورۋم ءوتتى. جيىندا جالپى قۇنى 22 ميلليارد دوللار بولاتىن بىرقاتار كەلىسىمگە قول قويىلدى. قازاق تاراپى بۇل كەلىسىمدەردى جۇزەگە اسىرۋ ءۇشىن بار كۇش-جىگەرىن جۇمساۋعا دايىن. گەوگرافيالىق جاعدايىمىزدى ەسكەرسەك, ءبىزدىڭ ەلىمىز ايماقتىڭ جəنە تۇتاس قۇرلىقتىڭ ماڭىزدى كولىك-لوگيستيكا ءدəلىزى بولا الادى. قازاقستان وسى ايماقتاعى ەلدەردىڭ قىتايمەن ىنتىماقتاستىعىن نىعايتۋ ءۇشىن ءوزىنىڭ ەكونوميكالىق جəنە لوگيستيكالىق əلەۋەتىن جۇمىلدىرۋعا ءəزىر. وسىعان وراي قازاقستان دوستاس قىتايمەن ىنتىماقتاستىقتى نىعايتۋ ءۇشىن ءوزىنىڭ ساۋ دا ەكونوميكالىق جəنە لوگيستيكالىق əلەۋەتىن ىسكە قوسا الادى. ەلدەرىمىزدىڭ ساۋدا-ساتتىق كولەمى 31 ميلليارد دوللارعا جەتتى. توراعا سي تسزينپينمەن بۇل كورسەتكىشتى 40 ميللياردقا دەيىن جەتكىزۋ جونىندە ۋاعدالاستىق», دەدى پرەزيدەنت.
مەملەكەت باسشىسىنىڭ ايتۋىنشا, ەلىمىزدىڭ قىتايمەن ساۋدا-ەكونوميكالىق قاتىناسى جىل ساناپ قارقىندى دامىپ كەلە جاتىر. وعان دالەل بىلتىر ساۋدا اينالىمى 70 ميلليارد دوللارعا جەتكەن (ونىڭ 45 پايىزى – 31 ملرد دوللار قازاقستانعا تيەسىلى). قىتاي مەن ورتالىق ازيا اراسىنداعى تاۋار اينالىمىن 2030 جىلعا قاراي 100 ميلليارد دوللارعا جەتكىزۋگە بارلىق مۇمكىندىك بارىن قاسىم-جومارت توقاەۆ اتاپ ءوتتى.
سامميت قورىتىندىسى بويىنشا مەملەكەت باسشىلارى سيان دەكلاراتسياسىنا قول قويدى جəنە بىرقاتار باستامانى قابىلدادى.