قاپشاعاي سۋ قويماسىندا ءۇش جىگىت قۇتقارىلدى, دەپ حابارلايدى Egemen.kz الماتى وبلىسىنىڭ توتەنشە جاعدايلار دەپارتامەنتىنە سىلتەمە جاساپ.
«9 ماۋسىم كۇنى ساعات 14:40-تا وبلىستىق تجد كەزەكشى بولىمىنە قاپشاعاي سۋ قويماسىنىڭ قالالىق جاعاجايىندا ءۇش جىگىتتىڭ سۋعا باتىپ بارا جاتقانى تۋرالى حابارلاما كەلگەن. وقيعا ورنىنا قۇتقارۋشىلار جىبەرىلدى», دەلىنگەن حابارلامادا.
انىقتالعانداي, كاتامارانعا مىنگەن ءۇش جىگىت كول بەتىندە اۋدارىلىپ, ءوز بەتىنشە جاعاعا ورالا الماعان. وقيعا ورنىنا جەتكەن 4 قۇتقارۋشى جاستاردى جاعاعا جەتكىزگەن.
ۆەدومستۆونىڭ اقپاراتىنا سايكەس, قوناەۆ قالاسىنىڭ جەدەل-قۇتقارۋ كۇشىمەن 2001 جىلى تۋعان ەكى جىگىت جانە 2002 جىلى تۋعان ەر بالا جاعادان بەس ءجۇز مەتر قاشىقتىقتان قۇتقارىلدى.