توتەنشە جاعدايلار مينيسترلىگىنە قاراستى ورتكە قارسى قىزمەت كوميتەتىنىڭ توراعاسى نۇربولات دەربىسوۆ اباي وبلىسىنداعى ءورتتى ءسوندىرۋ بارىسى تۋرالى اقپارات ۇسىندى, دەپ حابارلايدى Egemen.kz.
نۇربولات دەربىسوۆ ۇسىنعان مالىمەتكە سۇيەنسەك, تىكۇشاقپەن بارلاۋ جۇمىستارىنىڭ ناتيجەسىندە جاعداي ءبىرشاما تۇراقتالعان. الايدا تاعى ەكى ەلدى مەكەندە ءورتتىڭ ىستىق نۇكتەلەرى انىقتالدى.
«بۇل بويىنشا جەكە قۇرام, بارلىق تەحنيكا جۇمىلدىرىلدى. تىكۇشاقپەن سۋ توگۋ جۇمىستارى جۇيەلى تۇردە جۇرگىزىلىپ جاتىر. قازىرگى ۋاقىتتا جەل بۇرىنعىدان دا كۇشەيىپ جاتىر. جاي جانىپ جاتقان وتتىڭ قايتا كۇشەيىپ كەتۋ قاۋپى بار. سوندىقتان بۇكىل كۇش-قۇرالداردى ءالى دە جۇمىلدىرامىز. بارلىعى باقىلاۋدا», دەدى ول.
ەستەرىڭىزگە سالا كەتەيىك, الاپات ءورت سالدارىنان ورمان شارۋاشىلىعىنىڭ 14 قىزمەتكەرى كوز جۇمعان.
سونىمەن قاتار 60 مىڭ گەكتارعا جۋىق ورمان القابى ورتكە ورانعان. ءورت سوندىرۋگە 300-گە جۋىق تەحنيكا, 1500-گە جۋىق ادام جانە 11 تىكۇشاق جۇمىلدىرىلدى.