ەلوردالىق كولىك جانە جول-كولىك ينفراقۇرىلىمىن دامىتۋ باسقارماسى استانا-قاراعاندى تاس جولى مەن قوبدا تۇيىق كوشەسىنىڭ قيىلىسىندا, ايتماتوۆ كوشەسى مەن قورعالجىن تاس جولىنىڭ قيىلىسىندا جوندەۋ جۇرگىزىلىپ جاتقانىن حابارلادى, دەپ جازادى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
جوندەۋ جۇمىستارى جول قوزعالىسى قاۋىپسىزدىگىن قامتاماسىز ەتۋ ماقساتىندا قالانىڭ پد اكىمشىلىك پوليتسيا باسقارماسىنىڭ كەلىسىمى بويىنشا جۇرگىزىلىپ جاتىر.
«ايتماتوۆ كوشەسى مەن قورعالجىن تاس جولىنىڭ قيىلىسىندا وڭ جاق سەزدىڭ جول توسەمىنە ورتاشا جوندەۋ جۇرگىزىلۋدە. وسىعان بايلانىستى 7 ماۋسىمدا ايتماتوۆ كوشەسىنەن يلينكا ەلدى مەكەنى باعىتىنداعى وڭ جاق سەزى تولىعىمەن جابىلدى», دەلىنگەن حابارلامادا.
ايتا كەتسەك, استانا-قاراعاندى تاس جولى مەن قوبدا تۇيىق كوشەسىنىڭ قيىلىسىندا دا جول توسەمىن جوندەۋ جۇمىستارى باستالىپ كەتكەن. بۇل ورىنداعى قوزعالىس 7-9 ماۋسىم ارالىعىندا ءىشىنارا جابىق بولادى.
«ەلوردا تۇرعىندارى مەن قوناقتارى قالا جولدارىندا كەپتەلىس جاعدايلارىن بولدىرماس ءۇشىن قوزعالىس باعىتىن الدىن الا جوسپارلاۋى قاجەت», دەپ قوستى اكىمدىك وكىلدەرى.