جوعارعى ەسەپ پالاتاسى مەن مەملەكەتتىك اۋديت ورگاندارى تەكسەرۋ ناتيجەلەرى بويىنشا مەملەكەتتىك بيۋدجەت قاراجاتىن پايدالانۋداعى بۇزۋشىلىقتاردى انىقتادى. زاڭ بۇزۋشىلىقتاردىڭ جالپى سوماسى 237 ملرد تەڭگەدەن استى, دەپ حابارلايدى Egemen.kz.
اۋديتورلاردىڭ باعالاۋىنشا, وتكەن جىلى قارجىلىق بۇزۋشىلىقتاردىڭ ەڭ كوپ كولەمى رەسپۋبليكالىق بيۋدجەتتەن قارجىلاندىرىلاتىن مەملەكەتتىك مەكەمەلەردە, سونداي-اق كۆازيمەملەكەتتىك سەكتور سۋبەكتىلەرىندە اكىمدىكتەردىڭ رەسپۋبليكالىق بيۋدجەتتەن بولىنگەن نىسانالى ترانسفەرتتەردى پايدالانۋىنداعى بۇزۋشىلىقتار بولدى. مۇنداي دەرەكتەر بۇگىن ءماجىلىس وتىرىسىندا ايتىلدى.
مينيسترلىكتەردىڭ ىشىندە زاڭ بۇزۋشىلىقتاردىڭ نەگىزگى ۇلەسى قورعانىس مينيسترلىگىنە (5,1 ملرد تەڭگەدەن استام), ونەركاسىپ جانە ينفراقۇرىلىمدى دامىتۋ (2,9 ملرد تەڭگەدەن استام), مادەنيەت جانە سپورت (1,3 ملرد تەڭگەدەن استام), سونداي-اق توتەنشە جاعدايلار مينيسترلىگىنە (1 ملرد تەڭگەدەن استام) تيەسىلى.
جوعارعى ەسەپ پالاتاسىنىڭ ءتورايىمى ناتاليا گودۋنوۆانىڭ ايتۋىنشا, تەكسەرۋ شارالارىنىڭ ناتيجەسىندە جينالعان ماتەريالداردىڭ ءبىر بولىگى قۇقىق قورعاۋ ورگاندارىنا بەرىلگەن.
«پروتسەسسۋالدىق شەشىم قابىلداۋ ءۇشىن بارلىعى 15 ماتەريال ۇسىنىلدى, 6 ماتەريال بويىنشا قىلمىستىق ءىس قوزعالدى, سوتقا دەيىنگى تەرگەۋ امالدارى جۇرگىزىلىپ جاتىر», دەدى گودۋنوۆا.