ەكس-مينيستر, ۇلتتىق مۋزەيدىڭ بۇرىنعى باسشىسى ارىستانبەك مۇحامەدي ۇلىنا قاتىستى ءىس بويىنشا جالا جابۋ فاكتىسىمەن سوتقا دەيىنگى تەرگەۋ باستالۋى مۇمكىن. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى حابارلادى, دەپ جازادى Egemen.kz.
«كەيبىر بۇقارالىق اقپارات قۇرالدارىندا, الەۋمەتتىك جەلىلەردە جانە مەسسەندجەرلەردە بۇرىنعى مادەنيەت جانە سپورت ءمينيسترى ا.مۇحامەدي ۇلىنا قاتىستى سوت پروتسەسىنەن سىبايلاس جەمقورلىققا قارسى قىزمەت قىزمەتكەرلەرىن «ديپلومات» قوناقۇيىن ءۇشىنشى تۇلعالارعا قايتا جازۋعا جانە 111 ملن تەڭگە سوماسىندا زالالدى وتەۋگە ماجبۇرلەۋ تۋرالى اقپارات تارادى. بۇل اقپارات شىندىققا سايكەس كەلمەيتىنىن حابارلايمىز.
مۇحامەدي ۇلىنا 221 ملن تەڭگە جىمقىردى دەگەن ايىپ تاعىلىپ, ونىڭ قاتىسى جينالعان دالەلدەمەلەرمەن راستالىپ, ءىس-ارەكەتتەردىڭ بىلىكتىلىگى پروكۋراتۋرا ورگاندارىمەن كەلىسىلدى. ونىڭ ارەكەتتەرىنە قورىتىندى باعانى سوت بەرەدى», دەپ حابارلادى ۆەدومستۆودان.
سونىمەن قاتار تەرگەۋ بارىسىندا جاۋاپكەرشىلىكتى جەڭىلدەتۋ ماقساتىندا ول مەملەكەت كىرىسىنە اينالدىرىلعان 111 ملن تەڭگە سوماسىنداعى زالال ءىشىنارا وتەلدى.
«قازىرگى ۋاقىتتا «ديپلومات» قوناقۇيىن رەيدەرلىك باسىپ الدى دەگەن كۇدىكتى مۇحامەدي ۇلىنىڭ وزىنە قاتىستى قوسىمشا ەپيزود بويىنشا تەرگەۋ اياقتالدى. وسىعان بايلانىستى, مۇحامەدي ۇلى سوتتالۋشىلارىنا اتالعان ءمان-جايلار بويىنشا سوت پەن جۇرتشىلىقتى اداستىرۋ جولىمەن جاۋاپكەرشىلىكتەن جالتارۋ ماقساتىندا جالعان اقپارات بەرىلدى. جالا جابۋ فاكتىسى بويىنشا سوتقا دەيىنگى تەرگەۋدى باستاۋ تۋرالى ماسەلە شەشىلىپ جاتىر», دەلىنگەن اگەنتتىكتىڭ اقپاراتىندا.
سونداي-اق انتيكور ازاماتتاردان رەسمي دەرەككوزدەردىڭ وبەكتيۆتى دەرەكتەرىنە عانا سەنۋدى سۇرادى.