بۇل تۋرالى دەنساۋلىق ساقتاۋ ۆيتسە-ءمينيسترى ۆياچەسلاۆ دۋدنيك حابارلادى, دەپ جازادى Egemen.kz.
«قوعامدا ەسىرتكىمەن كۇرەسۋ شارالارىن وتكىزۋ وتە ماڭىزدى, مۇنداعى ماسەلە وسكەلەڭ ۇرپاققا قاتىستى بولىپ وتىر. قازىرگى ۋاقىتتا ەل بويىنشا 156 بالا ەسەپتە تۇر. ونىڭ ىشىندە 82 بالا ىشىمدىككە جانە 72 بالا ەسكىرتكىگە تاۋەلدى. بىزدەگى مالىمەتكە سايكەس, سينتەتيكالىق ەسكىرتكىگە قۇمارلىق 20-34 جاستاعى ازاماتتار اراسىندا ءجيى كەزدەسەدى. بۇل پروبلەمامەن كۇرەسۋ ماقساتىندا ءبىزدىڭ مينيسترلىك ەكى باعىتتا جۇمىس ىستەپ جاتىر. الدىمەن ەسىرتكىگە تاۋەلدى جانداردى ەمدەۋ, ەكىنشىدەن ءتۇسىندىرۋ جۇمىسىن كەڭىنەن جۇرگىزىپ, سالاۋاتتى ءومىر سالتىن ناسيحاتتاۋ», دەدى ۆياچەسلاۆ دۋدنيك ورتالىق كوممۋنيكاتسيالار قىزمەتىندە وتكەن بريفينگ بارىسىندا.
بۇل رەتتە ۆيتسە-مينيستر ماسەلەنىڭ الدىن الۋ ءۇشىن پروفيلاكتيكالىق شارالادى وتكىزۋدىڭ ماڭىزدىلىعىنا نازار اۋداردى. مەمەلەكەت باسشىسى قاسىم-جومارت توقاەۆتىڭ تاپسىرماسىمەن دەنساۋلىق ساقتاۋ مينيسترلىگى, ىشكى ىستەر مينيسترلىگى جانە باسقا دا قۇزىرلى ورگاندارمەن بىرلەسىپ, ەسىرتكىگە قارسى كۇرەسكە ارنالعان كەشەندى جوسپار ازىرلەدى.
ايتا كەتەيىك, دەنساۋلىق ساقتاۋ مينيسترلىگى قازاقستاندا ەسىرتكىمەن كۇرەس جۇمىستارى توڭىرەگىندە 11 ءىس-شارا ۇيىمداستىرۋعا جاۋاپتى.