حقو قىزمەتكەرلەرى مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن تۇلعالارعا تەڭەستىرىلەدى. بۇل جايىندا پرەمەر-مينيستر ءاليحان سمايىلوۆ ءماجىلىس دەپۋتاتتارىنىڭ ساۋالىنا بەرگەن جاۋابىندا ءمالىم ەتتى, دەپ حابارلايدى Egemen.kz.
«مەملەكەتتىك كورپوراتسيا قىزمەتكەرلەرىنىڭ مارتەبەسىن ايقىنداۋعا كەلسەك, پارلامەنت ءماجىلىسىنىڭ دەپۋتاتتارى باستاما جاساعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك كورپوراتسيا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى شەڭبەرىندە «ازاماتتارعا ارنالعان ۇكىمەت» مەملەكەتتىك كورپوراتسياسى قىزمەتكەرلەرىنىڭ مارتەبەسى مەن جاۋاپكەرشىلىگىن ارتتىرۋ جونىندەگى تۇزەتۋلەر قولداۋ تاپتى. بۇل تۇزەتۋدە ولاردى مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن تۇلعالارعا تەڭەستىرۋ كوزدەلگەن», دەپ ءجازدى اليحان سمايىلوۆ.
ال ولارعا باسپانا الۋ ماسەلەسىندە جەڭىلدىك بەرۋ تۋرالى ۇسىنىس بيۋدجەت تاپشىلىعىنا بايلانىستى قولداۋ تاپپاعان.
«بۇل رەتتە مەملەكەتتىك بيۋدجەتكە تۇسەتىن جۇكتەمە ۇلعايىپ كەتەتىندىكتەن مەملەكەتتىك كورپوراتسيا قىزمەتكەرلەرىنە مەملەكەتتىك (جەرگىلىكتى) تۇرعىن ءۇي قورىنان تۇرعىن ءۇي الۋعا كەزەككە تۇرۋ, تۇرعىن ءۇيدى جالعا العانى ءۇشىن شىعىستاردى وتەۋ قۇقىقتارىن بەرۋ بولىگىندەگى تۇزەتۋلەر, سونداي-اق وزگە دە جەڭىلدىكتەر قولداۋ تاپپادى», دەلىنگەن جاۋاپتا.