قر يندۋستريا جانە ينفراقۇرىلىمدىق دامۋ ءمينيسترىنىڭ بۇيرىعىمەن ازامات سەرىك ۇلى پانباەۆ يندۋستريالىق دامۋ كوميتەتىنىڭ توراعاسى قىزمەتىنە تاعايىندالدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
ازامات پانباەۆ 1987 جىلى تۇركىستان وبلىسىندا دۇنيەگە كەلگەن. ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىن, م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىن بىتىرگەن.
ەڭبەك جولىن 2008 جىلى يندۋستريا جانە ساۋدا مينيسترلىگى ونەركاسىپ كوميتەتىنىڭ كەڭسە قىزمەتكەرى بولىپ باستادى.
2009-2016 جىلدارى ينۆەستيتسيالار جانە دامۋ مينيسترلىگى قۇرىلىمىندا جۇمىس ىستەدى.
2016-2019 جىلدار ارالىعىندا پرەزيدەنت اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ كونسۋلتانتى بولدى.
2019-2022 جىلدارى قارجى مينيسترلىگى مەملەكەتتىك كىرىستەر كوميتەتىنىڭ تالداۋ, ستاتيستيكا جانە تاۋەكەلدەردى باسقارۋ دەپارتامەنتىنىڭ ديرەكتورى قىزمەتىن اتقاردى.
2022 جىلعى ناۋرىزدان باستاپ قازىرگى ۋاقىتقا دەيىن قارجى مينيسترلىگى مەملەكەتتىك كىرىستەر كوميتەتى توراعاسىنىڭ ورىنباسارى بولىپ جۇمىس ىستەدى.