پەتروپاۆل قالاسىندا كوممۋنالدىق تۇرعىن ءۇي قورىنان پاتەر الۋ كەزەگىندە مىڭداعان ادام تۇر. بۇعان دەيىن باسپانا بولۋدە جەرگىلىكتى شەنەۋنىكتەر نەشە ءتۇرلى بۇرمالاۋشىلىقتارعا جول بەرىپ, ادىلەتسىزدىككە تاپ بولعان مۇقتاج جاندار تاراپىنان جوعارى جاققا جولداناتىن ارىز-شاعىمدار تاسقىنى تىيىلماي كەلگەن ەدى. مىنە, وسىنى ەسكەرگەن وبلىس باسشىلىعى قالا اكىمىنە پاتەر كەزەگى تۋرالى اقپاراتتىڭ قولجەتىمدى بولۋىن قامتاماسىز ەتۋدى تاپسىرعان بولاتىن.
سوعان وراي, قالالىق اكىمدىك پاتەر كەزەگىندە تۇرعانداردىڭ ءتىزىمىن تارتىپكە كەلتىرىپ, جەرگىلىكتى «قىزىلجار نۇرى» جانە «پروسپەكت سك» گازەتتەرى ارقىلى جاريالاي باستادى. مۇنىڭ ءوزى جۇرتشىلىق قىزىعۋشىلىعىن تۋعىزىپ, جان-جاقتى قولداۋعا يە بولىپ وتىر. الەۋمەتتىك ادىلدىكتى ورنىقتىرۋعا باعىتتالعان وسى يگى باستاما جۇيەلى جالعاسىن تاۋىپ, ءورىسى كەڭەيە تۇسسە, قۇبا-قۇپ.
كارىباي مۇسىرمان,
جۋرناليست.
پەتروپاۆل.