قبف پرەزيدەنتى حالىقارالىق بوكس قاۋىمداستىعى (IBA) رەيتينگىندە كوش باستاپ تۇرعان ۇلتتىق قۇراماعا ارنايى قۇتتىقتاۋ جولدادى, دەپ حابارلايدى Egemen.kz.
«قادىرلى بوكس سۇيەر قاۋىم!
IBA سايتىندا وسى سپورت تۇرىندەگى ۇزدىك ەلدەردىڭ جاڭارتىلعان رەيتينگىسى جاريالاندى. قازاقستان كوش باسىنداعى جەكە دارا ورنىن ساقتاپ قالدى! وسىعان وراي, مەن ەلىمىزدى وسىنداي ەرەكشە جەتىستىكپەن قۇتتىقتايمىن!
بۇل سپورتشىلار, جاتتىقتىرۋشىلار, دارىگەرلەر, مەملەكەتىمىزدىڭ, فەدەراتسيانىڭ جانە ارينە جانكۇيەرلەرىمىزدىڭ ورتاق جەڭىسى!
ەڭ باستىسى, ءبىز ەلىمىزدىڭ, حالقىمىزدىڭ سەنىمىن اقتادىق. ءبىزدىڭ مىندەتىمىز - قازاقستاننىڭ كوك تۋىن ەڭ ءىرى حالىقارالىق تۋرنيرلەردە بيىككە كوتەرە بەرۋ!
ءوزىمنىڭ جانە قازاقستان بوكس فەدەراتسياسىنىڭ اتىنان العىس ايتامىن», دەلىنگەن قۇتتىقتاۋدا.