ۋنيۆەرسيتەت مالىمەتىنشە, شيگەو كاتسۋ 15 ماۋسىمدا وتستاۆكاعا كەتەدى, دەپ حابارلايدى Egemen.kz نازارباەۆ ۋنيۆەرسيتەتىنىڭ ءباسپاسوز قىزمەتىنە سىلتەمە جاساپ.
«13 جىلعا جۋىق قىزمەتىنەن كەيىن پرەزيدەنت ش.كاتسۋ ءوز قىزمەتىنەن كەتۋ تۋرالى شەشىم قابىلدادى. ۋنيۆەرسيتەت قاۋىمداستىعى پرەزيدەنت كاتسۋعا نازارباەۆ ۋنيۆەرسيتەتىنىڭ قازاقستانداعى ءبىرىنشى الەمدىك دەڭگەيدەگى زەرتتەۋ ۋنيۆەرسيتەتى بولۋىنا كومەكتەسكەن كورنەكتى كورەگەندىگى مەن ءتيىمدى كوشباسشىلىعى ءۇشىن زور العىسىن بىلدىرەدى», دەلىنگەن حابارلامادا.
شيگەو كاتسۋ پرەزيدەنتتىك قىزمەتىنەن كەتكەننەن كەيىن نازارباەۆ ۋنيۆەرسيتەتىنىڭ قامقورشىلىق كەڭەسىنىڭ مۇشەسى بولىپ قالاتىنى حابارلاندى. سونداي-اق ول نازارباەۆ زياتكەرلىك مەكتەپتەرىنىڭ, نازارباەۆ قورىنىڭ قامقورشىلىق كەڭەسىنىڭ مۇشەسى جانە جوعارعى قامقورشىلىق كەڭەسىنىڭ مۇشەسى قىزمەتىن جالعاستىرادى. شيگەو كاتسۋ ۋنيۆەرسيتەت پرەزيدەنتىنىڭ كەڭەسشىسى قىزمەتىن دە اتقارادى. ازىرگە يلەسانمي ادەسيدا ۋنيۆەرسيتەت پرەزيدەنتى مىندەتىن اتقارادى.