تالىپتەر مەن يراندىق اسكەريلەر يسلام رەسپۋبليكاسىنىڭ اۋعانستانمەن شەكاراسىندا وق اتىستى. سالدارىنان ساربازدار قازا تاپتى, جاراقات العاندار بار, دەپ حابارلايدى Egemen.kz.
قاقتىعىس سۋعا تالاستان بولعان. وقتى كىم ءبىرىنشى اتقانى بەلگىسىز. قوس تاراپ ءبىرىن-ءبىرى ايىپتاپ وتىر.
وقيعادان كەيىن يراننىڭ بەلۋدجيستان مەن اۋعانستاننىڭ نيمروز ايماعىندا ورنالاسقان ءىرى شەكارا بەكەتى جابىلدى.
اۋعانستان ىشكى ىستەر مينيسترلىگىنىڭ ءباسپاسوز حاتشىسى ابدۋل نافي تاكور يران تاراپى ءبىرىنشى بولىپ وق جاۋدىردى دەپ ايىپتادى.
تاكور اتىس كەزىندە ەكى ەلدەن ەكى ادام قازا تاپقانىن ايتتى.
«قازىر جاعداي باقىلاۋدا. يسلام امىرلىگى (اۋعانستان) كورشىلەرىمەن سوعىسقىسى كەلمەيدى», دەدى ءباسپاسوز حاتشىسى.كەيىن IRNA اگەنتتىگى ەكى يراندىق شەكاراشىنىڭ قازا تاپقانىن جانە ەكى يراندىق بەيبىت تۇرعىننىڭ جارالانعانىن حابارلادى.