تيموفەي سكاتوۆ رولان گارروستىڭ نەگىزگى تۋرنيرىنە جولداما الدى

قازاقستان تەننيسشىسى ىرىكتەۋ سايىستارىنىڭ فينالىندا دۇنيەجۇزىلىك رەيتينگتە 165-ورىندا تۇرعان برازيليالىق فەليپە مەليگەني رودريگەس الۆەسپەن سىنعا ءتۇستى.

ءبىرىنشى پارتيادا قوس برەيككە قول جەتكىزگەن برازيليالىق سپورتشى باسىمدىلىق كورسەتتى - 6:2. ول ەكىنشى سەتتە دە 4:2 ەسەبىمەن العا شىقتى.

بىراق قازاقستاندىق تەننيسشى تارازى باسىن اۋدارا ءبىلدى - 7:5. سودان كەيىن ءۇشىنشى, شەشۋشى سەتتە جەڭىستى ج ۇلىپ الدى - 6:3.

تارتىستى وتكەن باسەكە 2 ساعات 13 مينۋتقا سوزىلدى.

وسىلايشا, 22 جاستاعى ت.سكاتوۆ ءوز سپورتتىق جولىندا العاش رەت فرانتسيا اشىق چەمپيوناتىندا وينايتىن بولادى. ونىڭ قارسىلاسى كەيىن انىقتالادى.