ەلىمىزدە ء«تىل-قازىنا» ورتالىعىنىڭ IT-ماماندارى قازاق تىلىندەگى ءماتىندى دىبىسقا اينالدىراتىن Telegram-بوت ازىرلەپ, ىسكە قوستى. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك الەۋمەتتىك جەلىدەگى پاراقشاسىندا جازدى, دەپ حابارلايدى Egemen.kz.
«Telegram-بوت قازاق تىلىندە جازىلعان ءماتىندى جوعارى دەڭگەيدە دىبىسقا اينالدىرىپ, تۇرلەندىرە الادى. بۇل قازاق تىلىندەگى كىتاپتاردى, جاڭالىقتار مەن ماقالالاردى, وقۋ ماتەريالدارىن جانە باسقا دا ماتىندەردى ءارتۇرلى جاعدايدا پايدالانۋعا مۇمكىندىك تۋعىزادى. وسىعان وراي, پايدالانۋشىلار اتالعان بوتتى ءوز كونتاكتىلەرىنە قوسىپ, وعان بىردەن قازاق تىلىندەگى ءماتىندى جىبەرە الادى», دەلىنگەن جازبادا.
بوتتى تەلەگرامم كانالىندا @kztts_bot اتاۋى ارقىلى تابۋعا بولادى.
«بوت ءماتىندى جىلدام ءارى ساپالى دىبىستاپ, پايدالانۋشىعا اۋديوفايلدى كەز-كەلگەن ۋاقىتتا تىڭداي الاتىنداي ەتىپ قايتا جولدايدى. قازىرگى ۋاقىتتا بوت ايگۇل مەن داۋلەتتىڭ داۋىسى ارقىلى دىبىستالادى», دەلىنگەن جازبادا.