التايداعى ءورت: قاۋىپتىڭ بەتى قايتىپ كەلەدى

«جىعىلعانعا جۇدىرىق» دەگەندەي, ءتىلسىز جاۋدىڭ تىزگىن بەر­مەي كەتۋىنە جەلدىڭ قاتتى ەكپىن الۋى دا سەبەپكەر بولۋدا. ناقتى ايتقاندا, الاپات ءورت بورو­دۋليحا اۋدانىنىڭ اۋىل ستان­ساسىنان 7 شاقىرىم قاشىق­تىقتا ورنالاسقان «سەمەي ور­مانى» مەملەكەتتىك تابيعي ورمان رەزەرۆاتىنىڭ اۋماعىنا دا اۋىز سالعانىنان جاعدايدىڭ كۇر­دەلەنىپ بارا جاتقانى بايقالادى.

ء«ورت جالماعان اۋماق 1 500 گەكتارعا دەيىن جەتكەنى انىقتالىپ وتىر. قازىرگى ۋاقىتتا ەكى ۋچاس­كەدە ءورتتى ءسوندىرۋ بويىنشا بەل­­سەندى جۇمىس جالعاسۋدا. ور­مان ءورتى ەكى وشاققا – رەسەي فەدە­راتسياسىمەن شەكارانىڭ بويىمەن شىعىس باعىتتا جانە شەكارادان بورودۋليحا اۋدانى يۆانوۆكا اۋى­لىنا قاراي باعىت العان.

قازىرگى ۋاقىتتا ءورتتى سوندى­رۋگە اباي وبلىسى تجد جانە سەمەي قالاسىنىڭ قۇرىلىم­دىق كۇشتەرىنىڭ, «سەمەي ور­مان» مەملەكەتتىك تابيعي ورمان رەزەرۆاتىنىڭ بارلىق قىز­­­­مەت­­كەرلەرى جۇمىلا كىرى­سىپ جاتىر. دابىل بويىنشا بو­­­رو­دۋليحا اۋدانىنىڭ پولي­تسيا ءبولىمىنىڭ جەكە قۇرامى كو­تە­رىلدى. ءبىرىنشى مينۋتتاردان باس­تاپ پوليتسەي­لەر ءورتتى ءسوندىرۋ كەزىندە قۇت­قارۋ­شىلارعا كومەك كورسەتۋدە. سونداي-اق جەرگىلىكتى تۇرعىنداردى قۇلاقتاندىرۋ جانە قاراۋىلداۋ ماقساتىندا پو­­ليتسيا قىزمەتكەرلەرى اكىمدىك وكىلدەرىمەن بىرلەسىپ, ءورت اي­ماق­تارىنا جاقىن ورنالاسقان 3 ەلدى مەكەندى (يۆانوۆكا اۋىلى, بە­رەزوۆكا پودحوزى, بەرەزوۆكا ءسا­ناتوريى) تىنباي ارالاۋ ۇستىندە» دەپ حابارلايدى اباي وبلىستىق پوليتسيا دەپارتامەنتى.

جالىن شارپىعان ايماقتا قۇرىلعان جەدەل شتاب جيىنى و­ت­كىزىلىپ, وعان اباي وبلىسى تجد باستىعى م.شاپاعاتوۆ, اباي وب­لى­سى اكىمىنىڭ ورىنباسارى د.گا­ريكوۆ, اۋدان پروكۋرورى ە.بادەن­باەۆ, اباي وبلىسى پوليتسيا دەپار­تامەنتىنىڭ باستىعى پوليتسيا گەنەرال-مايورى ب.سۇلتان, بورودۋليحا اۋدانىنىڭ پوليتسيا ءبولىمى باس­تىعىنىڭ مىندەتىن اتقارۋشى ر.ۇيسەنوۆ, تاعى دا باس­قا رەسمي لاۋازىمدى باسشىلار قاتىسىپ, ناقتى شەشىمدەر قابىلدادى.

ورمان ءورتىن سوندىرۋگە 90 بىرلىك تەحنيكا جانە 400-دەن اس­تام ادام جۇمىلدىرىلعان. 50 بىرلىك تەحنيكا جانە «سەمەي ور­مانى» مەملەكەتتىك تابيعي رەزەر­ۆاتىنىڭ 150-دەن اسا مامانى, ءبىر تىك­ۇشاق جانە تجم-نىڭ 100-دەن اسا قىزمەتكەرى, ءبىر ءورت پويىزى جانە قتج-نىڭ 10 قىزمەتكەرى, جەرگىلىكتى اتقارۋشى ورگان 4 بىرلىك تەحنيكا مەن 4 مامان اتتاندىرسا, «قازاۆياقورعاۋ» ەكي­پاجىنىڭ 6 ادامى جانە 1 تىكۇشاق كومەككە كەلدى. بو­رو­دۋليحا اۋدانىنىڭ پوليتسيا ءبولىمىنىڭ 45 قىزمەتكەرى جانە 12 قىزمەتتىك اۆتوماشينا الاپات جا­لىنمەن ايقاسۋدا. 2 تىكۇشاق جالپى كولەمى 150 مىڭ توننادان اساتىن سۋ قورىن جۇمساعان.

سونىمەن بىرگە تجم-عا قا­راستى «قازاۆياقورعاۋ» سۋ تو­گە­تىن قۇرىلعىسى بار مي-873 جانە مي-8 تىكۇشاقتارىن دا ىسكە قوس­قانىن مالىمدەدى.

قازىر بورودۋليحا اۋدانى­نىڭ اۋدان ورتالىعىندا 3 ەۆا­كۋا­تسيالىق پۋنكت جەدەل اشىلىپ, ورتتەن زارداپ شەككەن ازاماتتاردى جەتكىزۋ ءۇشىن پاز ماركالى 4 اۆتوبۋس بەرىلدى.

سونىڭ ناتيجەسىندە «بەرە- ز­وۆ­­كا» شيپاجايىنان جانە «بە­رەزوۆكا» پودحوزىنان 277 ادام ەۆا­­­كۋاتسيالاندى. «بەرەزوۆكا» شي­پاجايىنىڭ جانە «بەرەزوۆكا» پود­حوزىنىڭ يەلەرى تاستاپ كەتكەن باسپانالاردى تونالۋىنا جول بەرمەس ءۇشىن بورودۋليحا اۋدا­نىنىڭ 15 پوليتسەيى كەزەكشىلىك اتقارىپ جاتىر.

اباي وبلىسىنىڭ اكىمى نۇرلان ۇرانحاەۆ پەن توتەنشە جاعدايلار ۆيتسە-ءمينيسترى مارات كۇلدىكوۆ تە وقيعا ورنىندا ءجۇر. وبلىس اكى­مىنىڭ ورىنباسارى ديميتري گاريكوۆتىڭ ايتۋىنشا, ءۇشىنشى وشاقتىڭ جاعدايى ءالى دە كۇردەلى, ءورت قاتتى جەلدىڭ جوعارعى بولىگىنە تارالادى. كەشە ءورتتى سوندىرۋگە 2 تىكۇشاق, جەكە قۇرامنىڭ 348 ادامى جانە 96 بىرلىك ورتكە قارسى تەحنيكا جۇمىلدىرىلدى.

«بۇگىن بىزگە استانا, پاۆلودار, قاراعاندى وبلىستارىنان تجم كۇشتەرى قوسىمشا كەلىپ جا­تىر, ياعني جەكە قۇرامنىڭ 130-عا جۋىق ادامى جانە ورتكە قار­سى 26 تەحنيكا جىبەرىلدى. ەندى قارا­عاندى وبلىسى مەن قورعانىس مينيسترلىگىنەن تاعى 2 تىكۇشاق كۇتەمىز. بۇدان باسقا قورعانىس مينيستر­لىگىنىڭ الەۋەتى قوسىمشا تارتىلاتىن بولادى», دەيدى د.گا­ريكوۆ.