2023 جىلعى 1 مامىرداعى جاعداي بويىنشا اتاۋلى الەۋمەتتىك كومەك الاتىن وتباسىلارعا قوسىمشا 2,6 ملرد تەڭگەدەن استام قاراجات تولەندى. بۇل 1 جاستان 6 جاسقا دەيىنگى بالالارعا ارنالعان كەپىلدەندىرىلگەن الەۋمەتتىك توپتامانى مونەتيزاتسيالاۋ ارقىلى كومەكتىڭ زاتتاي ءتۇرىن اقشالاي تۇرگە اۋىستىرۋ ارقىلى قول جەتكىزىلدى, دەپ حابارلايدى Egemen.kz.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, 2020 جىلدان باستاپ ااك الاتىن وتباسىلاردىڭ مەكتەپ جاسىنا دەيىنگى بالالارىنا قوسىمشا زاتتاي تۇردەگى ازىق-ت ۇلىك پەن تۇرمىستىق جيىنتىقتار بەرىلدى. ولار قيىن ومىرلىك جاعدايعا تاپ بولعان وتباسىلار ءۇشىن جاقسى قولداۋ بولىپ, پاندەميا كەزىندە ماڭىزدىلىعىن دالەلدەدى.
كەپىلدەندىرىلگەن الەۋمەتتىك توپتامانى ۇسىنۋ كەزەڭىندە جيىنتىق الاتىن وتباسىلاردان كومەكتىڭ وسى ءتۇرىن اقشالاي فورماتقا اۋىستىرۋ, ياعني بالانىڭ قاجەتتىلىكتەرىنە سۇيەنە وتىرىپ, ءونىمدى ساتىپ الۋ مۇمكىندىگىن بەرۋ تۋرالى ۇسىنىستار ءتۇستى.
2023 جىلعى 1 قاڭتاردان باستاپ بۇل الەۋمەتتىك توپتاما 1 جاستان 6 جاسقا دەيىنگى بالالاردى قوسا العاندا اربىرىنە 1,5 اەك مولشەرىندە قوسىمشا اي سايىنعى تولەم تۇرىندە ۇسىنىلادى (2023 جىلى – 5 175 تەڭگە). بۇل قر الەۋمەتتىك كودەكسىندە كوزدەلگەن بالالى وتباسىلاردى الەۋمەتتىك قولداۋدىڭ اتاۋلىلىعىن كۇشەيتۋ جونىندەگى شارالاردىڭ ءبىرى.
2023 جىلعى 1 مامىرداعى جاعداي بويىنشا 2,6 ملرد تەڭگەدەن استام سوماعا 80,8 مىڭ وتباسىنداعى 150,8 مىڭ بالاعا قوسىمشا تولەم تاعايىندالدى.