كەشە حوككەيدەن الەم چەمپيوناتىندا قازاقستان قۇراماسى سوڭعى ماتچىن وتكىزدى, دەپ حابارلايدى Egemen.kz.
قازاقستان — سلوۆەنيا ماتچى استانا ۋاقىتى بويىنشا 23:20-دا باستالعان بولاتىن. ءۇش تايمعا سوزىلعان ويىندا 4:3 ەسەبىمەن قازاقستان قۇراماسى جەڭىسكە جەتتى.
بۇل كەزدەسۋدە قازاقستان قۇراماسىنىڭ ەۆگەني رىمارەۆ اتتى ويىنشىسى ۇزدىك دەپ تانىلدى.
ال قاقپاشى اندرەي شۋتوۆ, قورعاۋشى ءادىل بەكەتاەۆ, قازاقستان قۇراماسىنىڭ كاپيتانى رومان ستارچەنكو حوككەيدەن الەم چەمپيوناتىندا ەرەكشە كوزگە تۇسكەن ويىنشىلار رەتىندە ماراپاتتالدى.
حوككەيدەن الەم چەمپيوناتى بارىسىندا التى ماتچ وتكىزىپ ۇلگەرگەن قازاقستان قۇراماسى قورجىنىندا ءتورت ۇپاي بار. سلوۆەنيا قۇراماسىنا كەلەتىن بولساق, ول التى ويىندا ءبىر دە ءبىر ۇپاي جيناي المادى. سوندىقتان ساراپشىلار ەكى كوماندا ءۇشىن دە بۇل ماتچتىڭ اسا ءبىر ماڭىزى جوق ەكەنىن الدىن الا ايتقان بولاتىن.