ىشكى ىستەر ءمينيسترى مارات احمەتجانوۆتىڭ بۇيرىعىمەن استانا قالاسى پوليتسيا دەپارتامەنتى باستىعىنىڭ ورىنباسارى قىزمەتىنە پوليتسيا پولكوۆنيگى سالتانات بەگاسىلوۆا تاعايىندالدى, دەپ حابارلايدى Egemen.kz Polisia.kz Telegram ارناسىنا سىلتەمە جاساپ.
استانا قالاسى پوليتسيا دەپارتامەنتىنىڭ باستىعى مارات تولەباەۆ ونى جەكە قۇرامعا تانىستىردى.
سالتانات بەگاسىلوۆا 1972 جىلى 29 تامىزدا الماتى وبلىسى قاراتال اۋدانى ۇشتوبە قالاسىندا دۇنيەگە كەلگەن. ىشكى ىستەر ورگاندارىندا 25 جىل ءتۇرلى لاۋازىمداردا قىزمەت ەتكەن. سوڭعى 3 جىلدا قر ءىىم اقپاراتتاندىرۋ جانە بايلانىس دەپارتامەنتى باستىعىنىڭ ورىنباسارى, پەرسپەكتيۆالى تەحنولوگيالار باسقارماسى باستىعىنىڭ ورىنباسارى قىزمەتتەرىن اتقارعان.
جاڭا ورىنباسار ەلوردادا قۇقىق قورعاۋ جۇيەسىنىڭ جۇمىسىن جەتىلدىرۋ ءۇشىن ماڭىزدى بولىپ تابىلاتىن تسيفرلاندىرۋ مەن اقپاراتتاندىرۋدى دامىتۋ جونىندەگى ماسەلەلەرگە جەتەكشىلىك ەتەدى.